اباي وبلىسىندا قاسقىر قاپتادى. اۋىل تۇرعىندارىنىڭ ايتۋىنشا, تەك بيىلدىڭ ٶزٸندە بٸر اۋداننىڭ اۋماعىندا اشىققان جىرتقىشتار 450-دەن استام سيىر مەن قويدى, سونداي-اق جىلقىنى قاپقان, دەپ حابارلايدى Dalanews.kz كتك تەلەارناسىنا سٸلتەمە جاساپ.
شارۋا قوجالىقتارىنا كەلتٸرٸلگەن شىعىن 160 ميلليون تەڭگەدەن اسادى.
"وقيعالار سانى تەك ارتىپ كەلەدٸ. مەن – شارۋاشىلىق باسشىسىمىن. سوڭعى بٸرنەشە جىلدا قاسقىرلار تٸپتٸ قوراعا دەيٸن كەلٸپ, سيىر مەن جىلقىلاردى سول جەردە جەپ كەتەدٸ", - دەيدٸ جەرگٸلٸكتٸ تۇرعىن.
تۇرعىنداردىڭ ايتۋىنشا, بيىلعى جازدىڭ ٶزٸندە ەربٸر شارۋاشىلىقتا قاسقىرلار كەم دەگەندە بەس باس مالدى جارىپ كەتكەن. جىرتقىشتاردىڭ سانىن باقىلاۋ قيىنعا سوعىپ وتىر. تاۋلى ايماق ماشينامەن اڭ اۋلاۋدى قيىنداتادى. سوندىقتان اۋىل حالقىنا كٶمەك قولىن سوزاتىنداردى تابۋ وڭاي بولماعان.
شارۋالار باستاماسىمەن اۋداندا بيولوگييالىق تەپە-تەڭدٸكتٸ ساقتاۋ جەنە قاسقىر سانىنا باقىلاۋ جٷرگٸزۋ ٷشٸن ارنايى جارىستار ۇيىمداستىرىلدى. جەرگٸلٸكتٸ تۇرعىندار قىران قۇستارمەن جەنە تازى يتتەرمەن اڭشىلىق جاسايتىن ساياتشىلاردى تارتۋدى جٶن كٶردٸ. وسىلايشا ولار ٷي جانۋارلارىن امان ساقتاپ قالۋعا ٷمٸتتەنەدٸ.
"تاۋدىڭ ەتەگٸندەگٸ اۋىلداردىڭ ورنالاسۋىنا بايلانىستى ارنايى قۇرال-جابدىق پەن كٶلٸكتٸ قولداناتىن اڭشىلىق تٷرلەرٸ ٶتە قيىن. سوندىقتان 2023 جىلى بٸز ارنايى اڭشىلار شاقىردىق. ٶتكەن جىلى 14 ادامدى شاقىرىپ, قاجەتتٸ جابدىقتىڭ بەرٸن بەردٸك. الايدا ەكٸ جىلداعى جۇمىس نەتيجەسٸ ايتارلىقتاي بولمادى", – دەيدٸ كەڭگٸرباي بي اۋىلدىق وكرۋگٸنٸڭ ەكٸمٸ دارحان امانگەلدين.
