اباي وبلىسىندا جىلدىق قۋاتى 300 مىڭ توننا مىس بالقىتاتىن زاۋىت سالىنادى

Dalanews 06 ماۋ. 2024 09:05 1918

قازاقستان پرەمەر-مينيسترى ولجاس بەكتەنوۆ جانە China Nonferrous Metal Mining Co. Ltd. ديرەكتورلار كەڭەسىنىڭ ءتوراعاسى سي چجەنپين مىس سالاسىنداعى ىنتىماقتاستىق ماسەلەلەرىن تالقىلادى،  دەر حابارلايدى Dalanews.kz ۇكىمەتتىڭ باسپا ءسوز قىزمەتىنە سىلتەمە جاساپ.

كەزدەسۋ ناتيجەسىندە ق ر پرەمەر-مينيسترى ولجاس بەكتەنوۆتىڭ قاتىسۋىمەن جىلدىق قۋاتى 300 مىڭ توننا بولاتىن مىس بالقىتۋ زاۋىتىن سالۋ تۋرالى كەلىسىمگە قول قويىلدى. كەلىسىمگە تاپسىرىس بەرۋشى رەتىندە ارەكەت ەتەتىن «Kaz Minerals Smelting» ج ش س، تەحنولوگيالىق جابدىقتى جوبالاۋ جانە ساتىپ الۋ قىزمەتتەرىن جەتكىزۋشى كومپانيا China Nonferrous Metal Industry's Foreign Engineering and Construction Co.، Ltd. (NFC)، سونداي-اق قۇرىلىس جانە ىسكە قوسۋ-جوندەۋ جۇمىستارىنىڭ مەردىگەرى «NFC Kazakhstan» ج ش س كومپانيالارى اراسىندا قول قويىلدى.

زاۋىت اباي وبلىسىنداعى اقتوعاي كەنتىنىڭ ماڭىندا سالىنادى. شيكىزات كوزى بوزشاكول جانە اقتوعاي تاۋ-كەن بايىتۋ كەشەندەرىنىڭ، «شىعىستۇستىمەت» ج ش س بايىتۋ فابريكالارىنىڭ مىس كونسەنتراتى بولماق. زاۋىت قۇرىلىسىنىڭ قورىتىندىسى بويىنشا الەمدەگى ەڭ ءىرى مىس كەنىشتەرىنىڭ ءبىرىن جانە قازىرگى زامانعى مىس بالقىتۋ ءوندىرىسىن بىرىكتىرەتىن كلاستەر قۇرىلاتىن بولادى. الدىن الا قۇنى $1،5 ملرد بولاتىن جوبانىڭ پايدالانۋ كەزەڭىندە 1000-نان استام جاڭا جۇمىس ورنى اشىلادى. جوبا 2028 جىلدىڭ سوڭىنا دەيىن پايدالانۋعا بەرىلەدى.

جوعارى تەحنولوگيالىق ءونىم شىعاراتىن كاسىپورىن رەسپۋبليكاداعى ەڭ ءىرى ءوندىرىس ورنىنا اينالماق. مىس بالقىتۋ ءوندىرىسى سالاسىندا قولدانىلاتىن تەحنولوگيالار الەمدىك ەكولوگيالىق ستاندارتتارعا سايكەس كەلەدى.

كاسىپورىن نارىقتىڭ قۇرامىندا مىس بار شيكىزات پەن كاتودتى مىس وڭدەۋگە دەگەن ىشكى قاجەتتىلىكتەرىن قامتاماسىز ەتەدى. ايتا كەتۋ كەرەك، كاتودتى مىس ەلەكتر ەنەرگەتيكاسىندا، ماشينا جاساۋدا جانە باسقا دا ونەركاسىپ سالالارىندا كەڭىنەن قولدانىلادى. سونىمەن قاتار جاڭا زاۋىت تازارتىلعان التىن، كۇمىس جانە كۇكىرت قىشقىلىن شىعارۋدى جوسپارلاپ وتىر.

«مەملەكەت باسشىسى ورنىقتى ەكونوميكالىق ءوسىم مىندەتىن قويدى. جاڭا مىس بالقىتۋ زاۋىتىنىڭ قۇرىلىسى – ەلىمىزدە وندىرىلەتىن مىس شيكىزاتىن قايتا وڭدەۋ كولەمىن ارتتىرۋعا مۇمكىندىك بەرەتىن جانە ەكونوميكاعا ەلەۋلى ۇلەس قوساتىن ءىرى يندۋستريالىق جوبا. مىس سالاسى ءبىزدىڭ ونەركاسىپتىڭ باسىم سەكتورلارىنىڭ ءبىرى جانە ءبىز ءۇشىن ونىڭ قارقىندى دامۋى وتە ماڭىزدى»، — دەپ اتاپ ءوتتى ولجاس بەكتەنوۆ.

ايتا كەتەيىك، China Nonferrous Metal Industry's Foreign Engineering and Construction Company Ltd («Non Ferrous China») – اكسيالارى شەنچجەن قور بيرجاسىندا اينالىمداعى، مەملەكەت باقىلايتىن كومپانيا. حالىقارالىق جوبالاۋ مەردىگەرلەرىنە جانە ءتۇستى مەتالدار رەسۋرستارىن ازىرلەۋگە قاتىسادى. NFS قىتايدان تىس جەرلەردە ءتۇستى مەتالداردى ءوندىرۋ جانە وڭدەۋ بويىنشا تاۋ-كەن اكتيۆتەرىنە ينۆەستيسيا سالعان العاشقى جۇڭگو كومپانياسى، سونىمەن قاتار قحر-دا تاۋ-كەن جوبالارىنا يەلىك ەتەدى. الەمنىڭ 20-دان استام ەلىندە ىسكەرلىك قىزمەت جۇرگىزەدى. NFC Kaz Minerals-دىڭ بوزشاكول، اقتوعاي جانە بوزىمشاق جوبالارىندا جەتەكشى مەردىگەر بولدى.


ۇسىنىلعان
سوڭعى جاڭالىقتار