اباي وبلىسى اكىمىنىڭ ءبىرىنشى ورىنباسارى شالقار بايبەكوۆ اباي وبلىسىندا جۇرگىزىلگەن مەملەكەتتىك ءاۋديتتىڭ قورىتىندىلارى تۋرالى ايتىپ بەردى.

- شالقار زامانبەك ۇلى، اباي وبلىسىندا جۇرگىزىلگەن مەملەكەتتىك ءاۋديتتىڭ قورىتىندىلارىنا توقتالىپ وتسەڭىز.
- 2024 جىلعا ارنالعان مەملەكەتتىك اۋديت جوسپارىنا سايكەس وسى جىلدىڭ 20 مامىرى مەن 28 ماۋسىمى ارالىعىندا اباي وبلىسىنىڭ تەكسەرۋ كوميسسياسى تەكسەرۋ جۇرگىزدى. اۋديت 2022 جىلدىڭ 1 قاڭتارى مەن 2024 جىلدىڭ 30 ساۋىرىنە دەيىنگى كەزەڭدە وبلىستىق قارجى، ەكونوميكا جانە بيۋدجەتتىك جوسپارلاۋ، اۋىل شارۋاشىلىعى، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار، قۇرىلىس باسقارمالارى مەن كۆازيمەملەكەتتىك ۇيىمدار، كەيبىر اۋداندارداعى سۋمەن جابدىقتاۋ كاسىپورىندارىن قامتىدى.
-اۋديت شەڭبەرىندە قانداي بۇزۋشىلىقتار انىقتالدى؟
-اۋديت قورىتىندىسى بويىنشا 1،1 ملرد تەڭگەنىڭ قارجىلىق بۇزۋشىلىقتارى انىقتالدى. ونىڭ كوپشىلىگى 2015-2018 جىلدارى شىعىس قازاقستان وبلىسىنان جىلۋمەن جانە سۋمەن جابدىقتاۋعا بۇزۋشىلىقپەن بەرىلگەن بيۋدجەتتىك كرەديتتەرگە بايلانىستى. 711 ملن.تەڭگەنى قۇرايتىن بۇل اكتيۆتەر اباي وبلىسى قۇرىلعانعا دەيىن بالانسقا قابىلدانباعان. كۆازيمەملەكەتتىك سەكتوردىڭ 6 سۋبەكتىسى نەگىزگى قارىز سوماسى مەن سىياقىنى ۋاقتىلى وتەۋ بويىنشا مىندەتتەمەلەرىن ورىنداماعان. بۇل 224 ميلليون تەڭگەنىڭ بۇزۋشىلىقتارىنا اكەلىپ سوقتىردى.
ءوز كەزەگىندە اۋدان مەن قالا بيۋدجەتتەرىنەن بولىنگەن نەسيەلەر مەن قارىزدار وبلىستىق بيۋدجەت الدىندا، ال وبلىستىق بيۋدجەت رەسپۋبليكالىق بيۋدجەت الدىندا بەكىتىلگەن كەستەگە سايكەس ۋاقتىلى وتەلۋدە. سونداي-اق، ميكروكرەديتتىك قارىزداردى ماقساتسىز پايدالانۋ 69 ملن تەڭگەنى، ال يرريگاسيالىق جانە درەناجدىق جۇيەلەردى جەتىلدىرۋ جوباسى بويىنشا قارىزداردى نەگىزسىز بەرۋ 146،9 ملن تەڭگەنى قۇرادى. "يرريگاسيالىق جانە درەناجدىق جۇيەلەردى جەتىلدىرۋ" جوباسى بويىنشا مىندەتتەمەلەردى نەگىزسىز قابىلداۋعا جول بەرىلگەن. سەبەبى، بيۋدجەتتى ءبولۋ كەزىندە شىعىس قازاقستاننان اباي وبلىسىنا بەرىلگەن قارىز بويىنشا تۇپكىلىكتى قارىز الۋشىلاردىڭ سومالارى ناقتىلانباعان.
- بيۋدجەت قاراجاتىن پايدالانۋ تيىمدىلىگى تۇرعىسىنان بۇزۋشىلىقتار انىقتالدى ما؟
- ءيا، قاراجاتتى ءتيىمسىز جوسپارلاۋ جانە پايدالانۋ 143،3 ملن تەڭگەنى قۇرادى. اسىرەسە "ديپلوممەن اۋىلعا" باعدارلاماسىنىڭ ەرەجە تالاپتارىنا جانە ساتىپ الىناتىن تۇرعىن ءۇيدى باعالاۋ فاكتىسىنە سايكەس كەلەتىن ۇمىتكەرلەردىڭ بولماۋىنا بايلانىستى ليميت ازايتىلعان.
- اۋديت ناتيجەلەرى بويىنشا قانداي شارالار قابىلداندى؟
- قولدانىستاعى زاڭناماعا سايكەس لاۋازىمدى تۇلعالار اكىمشىلىك جاۋاپكەرشىلىككە تارتىلدى. انىقتالعان بۇزۋشىلىقتار قالپىنا كەلتىرىلىپ، وتەلدى. قازىرگى ۋاقىتتا قولدانىستاعى زاڭناماعا سايكەس بارلىق شارالار قابىلدانۋدا.
- ال قارىز قالاي وتەلىپ جاتىر؟
- تەكسەرۋ كەزىندە اباي وبلىسىنىڭ 2022-2023 جىلدارداعى جالپى قارىزى 69،7 ملرد تەڭگەنى جانە 457،7 مىڭ اقش دوللارىن قۇرادى. كەستەگە سايكەس 16،1 ملرد تەڭگە جانە 50،9 مىڭ دوللار وتەلدى. مەرزىمى وتكەن بەرەشەك جوق. بارلىق مىندەتتەمەلەر بەلگىلەنگەن كەستەگە سايكەس ورىندالادى.
- جىمقىرۋ نەمەسە قاراجاتتىڭ جەتىسپەۋشىلىگى سياقتى ءىرى بۇزۋشىلىقتار انىقتالدى ما؟
- اۋديت قانداي دا ءبىر جىمقىرۋدى نەمەسە بيۋدجەت قاراجاتىنىڭ جەتىسپەۋشىلىگىن انىقتاعان جوق. بۋحگالتەرلىك ەسەپتەن جالتارۋ دا انىقتالعان جوق. بۇزۋشىلىقتار پروسەدۋرالىق سيپاتتا بولدى. سونىمەن قاتار، بارلىعى بەلگىلەنگەن مەرزىمدە تالاپقا سايكەستەندىرىلدى.
-