اباي وبلىسى اكىمدىگى 410 ميلليون تەڭگەدەن استام سوماعا جوسپارلانعان جيھاز ساتىپ الۋ ءراسىمىن توقتاتتى،- دەپ حابارلايدى Dalanews.kz
مەملەكەتتىك ساتىپ الۋ پورتالىنا جاريالانعان دەرەكتەرگە سايكەس، بۇعان دەيىن جيھاز دايىنداۋعا ارنالعان تەندەر جەتى رەت وتكىزىلگەن. الايدا، اكىمدىك ءار جولى ونى جويۋعا ءماجبۇر بولعان. بۇعان سەبەپ – الەۋەتتى جەتكىزۋشىلەردىڭ قۇجاتتارىنىڭ تالاپقا ساي بولماۋى. وسىدان كەيىن ساتىپ الۋعا قاتىسۋ شارتتارى قاتاڭداتىلىپ، ناتيجەسىندە سوڭعى لوت تا كۇشىن جويدى.
اكىمدىك جاڭا جيھازدىڭ نە سەبەپتى قاجەت ەكەنىن دە ءتۇسىندىردى. ءقازىر مەملەكەتتىك قىزمەتكەرلەر ەسكى، توزىعى جەتكەن جيھازبەن جۇمىس ىستەۋگە ءماجبۇر. ولاردىڭ ءبىر بولىگى بۇرىن سەمەي قالاسى اكىمدىگىنىڭ بالانسىنان ەسەپتەن شىعارىلعان، جارامسىز مۇلىك بولسا، ەندى ءبىرى – قىزمەتكەرلەردىڭ ءوز ۇيىنەن اكەلگەن جيھازدار.
"بۇل ماسەلەنى شەشۋ ءۇشىن مەملەكەتتىك ورگان جيھاز جاساۋدى ۇيعارعان. جيھازدىڭ ساپاسى مەن وعان قويىلعان تالاپتارعا قاتىستى سىن ايتۋعا بولمايدى، ويتكەنى ءبارى قارجى مينيسترلىگىنىڭ بۇيرىعىنا سايكەس جاسالعان"، – دەلىنگەن اكىمدىك حابارلاماسىندا.
ەسكە سالايىق، بۇعان دەيىن قوعامدا وبلىس اكىمدىگىنىڭ 410 ملن تەڭگەگە جيھاز الۋعا قاتىستى جوسپارى قىزۋ تالقىلانعان ەدى.
