2024 جىلدىڭ 18 cاۋىرىندە اباي اتىنداعى قازۇپۋ «اباي الەمى» كوكتەمگى مەرەكەلىك كەزەڭدەرى اياسىندا قازاق كۇرەسىنەن جوعارى وقۋ ورىندارى ستۋدەنتتەرى اراسىندا رەسپۋبليكالىق «اباي بارىسى-2024» ءتۋرنيرىن ۇيىمداستىردى، – دەپ حابارلايدى Dalanews.kz.

تۋرنيرگە قوجا احمەت ياساۋي اتىنداعى حالىقارلىق قازاق-تۇرىك ۋنيۆەرسيتەتى (تۇركىستان قالاسى)، قورقىت اتا قىزىلوردا اتىنداعى مەملەكەتتىك ۋنيۆەرسيتەتى (قىزىلوردا قالاسى)، م.اۋەزوۆ اتىنداعى وڭتۇستىك قازاقستان ۋنيۆەرسيتەتى (شىمكەنت قالاسى)، شەرحان مۇرتازا اتىنداعى حالىقارالىق تاراز يننوۆاسيالىق ينستيتۋتى (تاراز قالاسى)، مۇحاممەد حايدار دۋلاتي اتىنداعى تاراز وڭىرلىك ۋنيۆەرسيتەتى (تاراز قالاسى)، ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى (تالدىقورعان قالاسى)، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى (استانا قالاسى)، ءال-فارابي اتىنداعى قازاق ۇلتتىق ۋنيۆەرسيتەتى (الماتى قالاسى)، نارحوز ۋنيۆەرسيتەتى (الماتى قالاسى)، قازاقستان-بريتان تەحنيكالىق ۋنيۆەرسيتەتى (الماتى قالاسى)، ق.ي.ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى (الماتى قالاسى)، قازاق باس ساۋلەت-قۇرىلىس اكادەمياسى (الماتى قالاسى)، سۋلەيمان دەميرەل اتىنداعى ۋنيۆەرسيتەت (الماتى قالاسى)، قازاق سپورت جانە تۋريزم اكادەمياسى (الماتى قالاسى)،  قازاق ۇلتتىق اگرارلىق زەرتتەۋ ۋنيۆەرسيتەتى (الماتى قالاسى)، حالىقارالىق اقپاراتتىق تەحنولوگيالار ۋنيۆەرسيتەتى (الماتى قالاسى) كوماندالارى قاتىستى.

بۇگىندە پرەزيدەنتىمىز قاسىم-جومارت توقايەۆتىڭ تاپسىرماسى بويىنشا جاستار مەن جاسوسپىرىمدەر اراسىندا سپورتتى دامىتۋ، سپورتپەن شۇعىلداناتىن ادامدار سانىن كوبەيتۋ جۇمىستارى شيراپ كەلەدى. مەملەكەت باسشىسى قازاقستان حالقىنا ارنالعان ءداستۇرلى جولداۋىندا ۇنەمى «سپورتپەن تۇراقتى تۇردە اينالىسۋ – ۇلت دەنساۋلىعىنىڭ اجىراماس بولىگى» ەكەنىن نىق اتاپ، كورسەتىپ كەلەدى. بۇگىنگى وتكەن قازاق كۇرەسىنەن رەسپۋبليكالىق ءتۋرنيردىڭ دە  ماقساتى وسىندا. ۇلتتىق قازاق كۇرەسىن جاستار اراسىندا دامىتۋ جانە ناسيحاتتاۋ. ستۋدەنت جاستاردى سالاۋاتتى ءومىر سالتىنا باۋلۋ.

قازاق كۇرەسىنەن جوعارى وقۋ ورىندارى ستۋدەنتتەرى اراسىنداعى «اباي بارىسى-2024» رەسپۋبليكالىق ءتۋرنيرىنىڭ سالتاناتتى اشىلۋىنا  اباي اتىنداعى قازۇپۋ-دىڭ اپپارات باسشىسى جاناتبەك ىشپەكبايەۆ، الەۋمەتتىك دامۋ جونىندەگى پرورەكتور ماقسات جاقاۋوۆ، «دەنە شىنىقتىرۋ جانە سپورت» كافدەراسىنىڭ وقىتۋشىسى ەرلان تەمىرحانوۆ، ق ر ەڭبەك سىڭىرگەن جاتتىكتىرۋشىسى، 3 دۇركىن ازيا جانە الەم چەمپيونى - باۋىرجان ءتالىپ، قازاق كۇرەسىنەن حالىقارالىق دارەجەدەگى سپورت شەبەرى ازيا جانە الەم چەمپيونى - ابزال ارىستانبەكوۆ، ق ر ەڭبەك سىڭىرگەن جاتتىقتىرۋشىسى، حالىقارالىق دارەجەدەگى جوعارى ۇلتتىق تورەشى - ەرلان يمانعالييەۆ، قازاق كۇرەسىنەن حالىقارالىق دارەجەدەگى سپورت شەبەرى ازيا جانە الەم چەمپيونى قازاقستان ۇلتتىق قۇراما كوماندا باس باپكەرى - عاني  كەلدىقۇلوۆ قاتىستى.

كىل مىقتىنىڭ ىشىنەن شىن مىقتىنى انىقتايتىن تۋرنيرگە جوعارى ۇلتتىق دارەجەلى تورەشىلەر: سايداقوۆ ەركىن، يرالينا ميرا، حاميتوۆ جانگەلدى، بەلگىبايەۆ ەرجان، قاپپاروۆ ازيز، كۇنەسباي تولەگەن، يمانعالييەۆ ەرلان، ماعاۋينوۆ ەرنار، ارىستانبەكوۆ ابزال، يبراگيموۆ بولاتبەك تورەلىك ەتتى.

ءتۋرنيردىڭ ناتيجەسىندە:

I ورىندى اباي اتىنداعى قازۇپۋ-دىڭ 3-كۋرس ستۋدەنتى ەسكەندىر جاندوس الىپ (500 000 تەڭگە)، «اباي بارىسى-2024» اتاندى؛

II ورىندى نارحوز ۋنيۆەرسيتەتىنىڭ ستۋدەنتى جوسپار ولجاس الدى (300 000 تەڭگە)؛

III ورىنداردى ءال-فارابي اتىنداعى قازۇۋ ستۋدەنتى ورازايەۆ سەرىكحان مەن قازاق سپورت جانە تۋريزم اكادەمياسىنىڭ ستۋدەنتى ءابىلماجينوۆ عيبرات يەلەندى (200 000 تەڭگە).

سايىس  قاتىسۋشىلارى مەن جۇلدەلى ورىن يەگەرلەرى باسقارما ءتوراعاسى–رەكتور بولات تىلەپتىڭ ارنايى ديپلومدارى جانە سىياقىلارىمەن ماراپاتتالدى.