قازاقستاندا 19 ناۋرىزدان باستاپ لومبارد الدىنداعى مٸندەتتەمەلەر سوتتان تىس بانكروتتىق رەسٸمٸندە ەسەپكە الىنبايدى, دەپ حابارلايدى Dala News.
جاڭا ٶزگەرٸستەر ازاماتتاردىڭ بانكروتتىق رەسٸمٸن قولدانۋ مٷمكٸندٸگٸن كەڭەيتەدٸ.
بۇعان دەيٸن زاڭ بويىنشا سوتتان تىس بانكروتتىققا ٶتٸنٸش بەرۋ ٷشٸن ازاماتتىڭ بانكتەر, ميكروقارجى ۇيىمدارى نەمەسە كوللەكتورلار الدىنداعى قارىزى بويىنشا كەمٸندە 12 اي تٶلەم جاسالماۋى قاجەت بولاتىن.
الايدا لومباردتاردىڭ قىزمەتٸ ٶزگەشە: بەرٸلگەن قارىز تولىق كەپٸلمەن قامتاماسىز ەتٸلەدٸ. قارىز ٶتەلمەگەن جاعدايدا, ولار كەپٸلدەگٸ مٷلٸكتٸ ٶزدەرٸ ساتادى. وسى سەبەپتٸ تٶلەمسٸز مەرزٸم 12 ايعا جەتپەي, ازاماتتارعا بانكروتتىق رەسٸمٸنەن باس تارتۋ جاعدايلارى جيٸ كەزدەسكەن.
ەندٸ ەنگٸزٸلگەن تٷزەتۋلەرگە سەيكەس, لومبارد الدىنداعى قارىزدار بويىنشا تٶلەمسٸز مەرزٸم ەسەپكە الىنبايدى.
بۇل ٶزگەرٸس قارجىلىق قيىندىققا تاپ بولعان ازاماتتارعا سوتتان تىس بانكروتتىق رەسٸمٸن قولدانۋعا كٶبٸرەك مٷمكٸندٸك بەرەدٸ.
