Qazaqstanda 19 naýryzdan bastap lombard aldyndaǵy mindettemeler sottan tys bankrottyq rásiminde esepke alynbaıdy, dep habarlaıdy Dala News.
Jańa ózgerister azamattardyń bankrottyq rásimin qoldaný múmkindigin keńeıtedi.
Buǵan deıin zań boıynsha sottan tys bankrottyqqa ótinish berý úshin azamattyń bankter, mıkroqarjy uıymdary nemese kolektorlar aldyndaǵy qaryzy boıynsha keminde 12 aı tólem jasalmaýy qajet bolatyn.
Alaıda lombardtardyń qyzmeti ózgeshe: berilgen qaryz tolyq kepilmen qamtamasyz etiledi. Qaryz ótelmegen jaǵdaıda, olar kepildegi múlikti ózderi satady. Osy sebepti tólemsiz merzim 12 aıǵa jetpeı, azamattarǵa bankrottyq rásiminen bas tartý jaǵdaılary jıi kezdesken.
Endi engizilgen túzetýlerge sáıkes, lombard aldyndaǵy qaryzdar boıynsha tólemsiz merzim esepke alynbaıdy.
Bul ózgeris qarjylyq qıyndyqqa tap bolǵan azamattarǵa sottan tys bankrottyq rásimin qoldanýǵa kóbirek múmkindik beredi.
