باتىس قازاقستان وبلىسىنىڭ كٶپبەيٸندٸ اۋرۋحاناسىنىڭ دەرٸگەرٸ تاۋباي بايجەكەنوۆ استانادان ورالعا ۇشىپ بارا جاتقان ۇشاق بورتىندا تولعاعى باستالعان جٷكتٸ ەيەلدٸ قۇتقارىپ قالدى, دەپ حابارلايدى Dalanews.kz.
"كەشە استانا-ورال رەيسٸندە ەرەكشە جاعدايعا تاپ بولدىم. ۇشۋ كەزٸندە جٷكتٸلٸكتٸڭ 27-اپتاسىنداعى ەيەل مەرزٸمٸنەن بۇرىن بوسانا باستادى. سۋى كەتٸپ, جەدەل تٷردە العاشقى كٶمەك كٶرسەتۋگە تۋرا كەلدٸ. مۇنداي سەتتەردە دەرٸگەر ٷشٸن سابىر ساقتاپ, بار بٸلٸمٸ مەن تەجٸريبەسٸن دۇرىس قولدانۋ اسا ماڭىزدى. نەتيجەسٸندە ۇل بالا دٷنيەگە كەلدٸ. بارلىعى سەتتٸ اياقتالدى", - دەپ جازدى دەرٸگەر Threads جەلٸسٸندەگٸ پاراقشاسىندا.
ەۋە كەمەسٸنٸڭ ەكيپاجى استانا ەۋەجايىنا كەرٸ قايتۋ تۋرالى شەشٸم قابىلداپ, جٷكتٸ ەيەلدٸ جەدەل جەردەم قىزمەتٸنە تاپسىردى.
دەنساۋلىق ساقتاۋ مينيسترلٸگٸ باتىس قازاقستان وبلىستىق كٶپبەيٸندٸ اۋرۋحاناسىنىڭ قابىلداۋ بٶلٸمٸنٸڭ حيرۋرگٸ تاۋباي بايجەكەنوۆكە جوعارى بٸلٸكتٸلٸگٸ, قايسارلىعى جەنە دەرٸگەرلٸك بورىشىنا ادالدىعى ٷشٸن العىس بٸلدٸردٸ.
