Batys Qazaqstan oblysynyń kópbeiindi aýrýhanasynyń dárigeri Taýbai Baijekenov Astanadan Oralǵa ushyp bara jatqan ushaq bortynda tolǵaǵy bastalǵan júkti áieldi qutqaryp qaldy, dep habarlaidy Dalanews.kz.
"Keshe Astana-Oral reisinde erekshe jaǵdaiǵa tap boldym. Ushý kezinde júktiliktiń 27-aptasyndaǵy áiel merziminen buryn bosana bastady. Sýy ketip, jedel túrde alǵashqy kómek kórsetýge týra keldi. Mundai sátterde dáriger úshin sabyr saqtap, bar bilimi men tájiribesin durys qoldaný asa mańyzdy. Nátijesinde ul bala dúniege keldi. Barlyǵy sátti aiaqtaldy", - dep jazdy dáriger Threads jelisindegi paraqshasynda.
Áýe kemesiniń ekipajy Astana áýejaiyna keri qaitý týraly sheshim qabyldap, júkti áieldi jedel járdem qyzmetine tapsyrdy.
Densaýlyq saqtaý ministrligi Batys Qazaqstan oblystyq kópbeiindi aýrýhanasynyń qabyldaý bóliminiń hirýrgi Taýbai Baijekenovke joǵary biliktiligi, qaisarlyǵy jáne dárigerlik boryshyna adaldyǵy úshin alǵys bildirdi.
