بۇل دەرەكتى ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ مالىمدەدى، دەپ حابارلايدى Dalanews.kz.
سپيكەردىڭ دەرەگىنشە، ەلىمىزدە سۋ تاسقىنىنان 7 ادام كوز جۇمدى.
«اتىراۋ وبلىسىندا ءتورت ادام، تۇركىستان وبلىسىندا ءبىر بالا سۋعا باتىپ قازا تاپتى. وسى فاكتىلەر بويىنشا قىلمىستىق ىستەر تىركەلىپ، الدىن الا تەرگەۋ ءجۇرىپ جاتىر»، - دەدى مارات قوجايەۆ.
ول اباي وبلىسى اياگوز اۋدانىندا تراكتوردىڭ ۇستىنە ءمىنىپ وتىرعان، وكىنىشكە قاراي، قازا تاپقان ەكى ادامنىڭ ءولىمىن دە سۋ تاسقىنى كەزىندە قازا تاپقاندار قاتارىنا قوستى.
«ولاردى دا سۋ تاسقىنىنىڭ قۇرباندارى قاتارىنا قوسۋ كەرەك. قىلمىستىق ءىس قوزعالىپ، تەرگەۋ شەشىم دايىنداپ جاتىر»، - دەدى ول.
