قاراساي اۋدانىنداعى «Alsad قازاقستان» ج ش س قۇس فابريكاسى –«قازاقستاندا جاسالعان» بەلگىسىمەن جانە Alsad ساۋدا ماركاسىمەن تاۋىق جۇمىرتقاسىن نارىققا شىعارىپ وتىرعان ەلىمىزدىڭ ىرگەلى كاسىپورنى. 2016 جىلى 156 ملن. دانا جۇمىرتقا وندىرىلگەن. فابريكا ءونىمى بىرىككەن اراب امىرلىكتەرىنە، اۋعانستان، رەسەي، تاجىكستان، قىرعىزستان ەلدەرىنە جونەلتىلەدى. بۇگىنگى كۇنى مۇندا 200-دەن استام ادام جۇمىس ىستەپ ءجۇر. حالىقارالىق ستاندارتتارعا سايكەس ءونىم شىعارىپ وتىرعان نىسان بۇگىنگە دەيىن العاشقى قۋاتتىلىعىن ەكى ەسەگە ارتتىرعان.
وسىنداي قارقىندى وبلىس باسشىسى ەلتاي اۋىلىندا ورنالاسقان «الماتى پرودۋكت» ج ش س كونديتەرلىك فابريكاسىنان دا كوردى. مۇندا 3،5 ملرد. تەڭگەگە فابريكانى كەڭەيتۋ جانە جاڭعىرتۋ جۇمىستارى جۇرگىزىلگەن. قازىرگى كەزدە تاعى ءبىر سەح اشۋعا دايىندىق ۇستىندە. بۇگىنگى كۇنى مۇندا پەچەنە، كارامەل، قۇرعاق تاڭعى اس، ۆافلي سياقتى تاتتىلەردىڭ 250-دەن استام ءتۇرى شىعارىلادى. كاسىپورىن جىلىنا 13 مىڭ توننا دايىن ءونىم شىعاراتىن قۋاتتىلىققا يە. «بۇل كاسىپورىننىڭ نەگىزى 2008 جىلى قالاندى. كومپانيامىز جىل سايىن «بيزنەستىڭ جول كارتاسى - 2020» جانە «ونىمدىلىك - 2020» مەملەكەتتىك باعدارلامالارى شەڭبەرىندەگى قولداۋ شارالارىنىڭ يگىلىگىن كورىپ كەلەدى»، - دەپ اتاپ ءوتتى كاسىپورىننىڭ باس ديرەكتورى ازيز ءالىمقۇلوۆ.
ال شىنى بۇيىمدار مەن ىدىستار شىعاراتىن «الماتى شىنى» جشس-داوبلىس اكىمى ا. باتالوۆ الدىمەن زاۋىت جۇمىسشىلارىمەن جۇزدەسىپ، اڭگىمەلەستى. بۇل زاۋىت- جەكە ينۆەستيسيا نەگىزىندە جۇزەگە اسىرىلعان جوبا. جوبالىق قۇنى – 11 ملرد. تەڭگە. مۇندا شىنى، ەكسكليۋزيۆتى جانە بەزەندىرىلگەن بوتەلكەلەر مەن بانكالار شىعارىلادى.
باس ديرەكتورى ازيم ابدۋللايەۆتىڭ ايتۋىنشا، زاۋىت - باسەكەگە قابىلەتتى جانە بولاشاعى زور كاسىپورىن. جوبالىق قۋاتتىلىعى بويىنشا جىلىنا زاۋىت 120 ملن. دانا شىنى ىدىس شىعارا الادى.
- زاۋىتتا ءونىم ساپاسىن باسقارۋ جۇيەسى ەنگىزىلگەن. سوندىقتان كاسىپورىن ءوز ونىمدەرىنىڭ ساپاسى الەمدىك ساپا دەڭگەيىنە سايكەستىگىنە كەپىلدىك بەرە الادى. سول سياقتى قاجەتتىلىگىنە قاراي ءتۇرلى گەومەتريالىق فورمالار مەن كونفيگۋراسيالارداعى ەكسكليۋزيۆتى بوتەلكەلەر شىعارۋعا دا مۇمكىندىگىمىز بار، - دەدى ا. ابدۋللايەۆ.
ساپارىنىڭ قورىتىندىسىندا وبلىسى اكىمى ا. باتالوۆ:
- جامبىل جانە قاراساي اۋداندارىن ارالاپ، ءبىرقاتار نىسانداردىڭ تىنىس-تىرشىلىگىمەن تانىسىپ، قانداي قولداۋلار قاجەتتىگىن باعامدادىم. اۋدان، قالا اكىمدەرىنە شاعىن جانە ورتا بيزنەستى دامىتۋ، ينۆەستيسيا تارتۋ، ىرگەلى كاسىپورىنداردى، وتاندىق وندىرۋشىلەردى قولداۋ، جاڭا جۇمىس ورىندارىن اشۋ تۋرالى تاپسىرما بەرگەن بولاتىنمىن. مەملەكەت باسشىسىنىڭ ءبىزدىڭ الدىمىزعا قويىپ وتىرعان مىندەتى دە وسى. وسى تاپسىرمالاردىڭ وڭىرلەردە قالاي ورىندالىپ جاتقانىن بارلىق اۋدان، قالالاردى ارالاپ، زەردەلەيتىن بولامىن. وسى ساپارلاردىڭ قورىتىندىسى بويىنشا اۋدان، قالا اكىمدەرىنىڭ، ىرگەلى كاسىپورىندار باسشىلارىنىڭ قاتىسۋىمەن كەلەلى كەڭەس وتكىزەمىز. ءار اكىم قانشا ينۆەستور تارتتى، قانداي كاسىپورىنداردىڭ اشىلۋىنا مۇرىندىق بولدى، قانشا جاڭا جۇمىس ورىندارىن قۇردى، سالىق ءتۇسىمىنىڭ كورسەتكىشى قانداي – مىنە، وسى تالاپتار بويىنشا ولاردىڭ جۇمىسىن باعالايتىن بولامىز، - دەدى.
سونداي-اق ءبىر كۇندىك ساپارى بارىسىندا كۋا بولعان جامبىل جانە قاراساي اۋداندارىنداعى بۇل باعىتتا اتقارىلعان جۇمىستارعا كوڭىلىتولاتىنىن ايتتى.
- العاشىندا شاعىن كولەمدە اشىلعان كاسىپورىندار ءقازىر ىرگەسىن كەڭەيتىپ، ءونىم كولەمى مەن تۇرلەرىن ارتتىرىپ، دامۋدىڭ جاڭا كەزەڭىنە اياق باسقاندارىن بايقادىم. كلاستەر قۇرۋدىڭ يادروسىنا اينالا باستاعانىن كوردىم. ولاردىڭ قاتارىندا تمد-دا تەڭدەسى جوق زاۋىتتار دا بار. سونىمەن قاتار كەزدەسۋ بارىسىندا كاسىپكەرلەر اتقارۋشى بيلىكتىڭ تاراپىنان قولداۋ كورسەتۋدى قاجەت ەتەتىن ماسەلەلەردى دە كوتەردى. ماسەلەن، جامبىل اۋدانىندا مىڭ گەكتارعا جۋىق جەرگە جاڭعاق اعاشىن وسىرەتىن «گرينفرام» شارۋا قوجالىعى گاز تارتىپ بەرۋدى سۇراسا، قاراساي اۋدانىنىڭ كوپتەگەن كاسىپورىندارىنىڭ باستى پروبلەمالارى – كارىز سۋاعارلارى مەن ەلەكتر قۋاتىنىڭ جەتىسپەۋشىلىگى بولىپ وتىر. ءبىز وسى تەكتەس ايتىلعان ماسەلەلەردىڭ بارلىعىنىڭ شەشىمىن قاراستىرىپ، كاسىپكەرلىككە بارىنشا قولداۋ كورسەتۋىمىز قاجەت، - دەدى وبلىس اكىمى ا. باتالوۆ.
وسى كۇنىۇشقوڭىر اۋىلىنداعى قوعامدىق-مادەني ورتالىقتا بولىپ، بۇل عيماراتتى الداعى ۋاقىتتا اكىمشىلىك عيمارات رەتىندە رەكونسترۋكسيالاۋدى تاپسىردى. ال مۇنداعى ۇيىرمەلەر مەن كينو زالى اۋىلداعى مادەنيەت ۇيىندە جۇمىسىن جالعاستىراتىن بولادى.
