Qarasai aýdanyndaǵy «Alsad Qazaqstan» JShS qus fabrikasy –«Qazaqstanda jasalǵan» belgisimen jáne Alsad saýda markasymen taýyq jumyrtqasyn naryqqa shyǵaryp otyrǵan elimizdiń irgeli kásiporny. 2016 jyly 156 mln. dana jumyrtqa óndirilgen. Fabrika ónimi Birikken Arab ámirlikterine, Aýǵanstan, Resei, Tájikstan, Qyrǵyzstan elderine jóneltiledi. Búgingi kúni munda 200-den astam adam jumys istep júr. Halyqaralyq standarttarǵa sáikes ónim shyǵaryp otyrǵan nysan búginge deiin alǵashqy qýattylyǵyn eki esege arttyrǵan.
Osyndai qarqyndy oblys basshysy Eltai aýylynda ornalasqan «Almaty Prodýkt» JShS konditerlik fabrikasynan da kórdi. Munda 3,5 mlrd. teńgege fabrikany keńeitý jáne jańǵyrtý jumystary júrgizilgen. Qazirgi kezde taǵy bir tseh ashýǵa daiyndyq ústinde. Búgingi kúni munda pechene, karamel, qurǵaq tańǵy as, vafli siiaqty táttilerdiń 250-den astam túri shyǵarylady. Kásiporyn jylyna 13 myń tonna daiyn ónim shyǵaratyn qýattylyqqa ie. «Bul kásiporynnyń negizi 2008 jyly qalandy. Kompaniiamyz jyl saiyn «Biznestiń jol kartasy - 2020» jáne «Ónimdilik - 2020» memlekettik baǵdarlamalary sheńberindegi qoldaý sharalarynyń igiligin kórip keledi», - dep atap ótti kásiporynnyń bas direktory Aziz Álimqulov.
Al shyny buiymdar men ydystar shyǵaratyn «Almaty Shyny» JShS-daoblys ákimi A. Batalov aldymen zaýyt jumysshylarymen júzdesip, áńgimelesti. Bul zaýyt- jeke investitsiia negizinde júzege asyrylǵan joba. Jobalyq quny – 11 mlrd. teńge. Munda shyny, ekskliýzivti jáne bezendirilgen bótelkeler men bankalar shyǵarylady.
- Zaýytta ónim sapasyn basqarý júiesi engizilgen. Sondyqtan kásiporyn óz ónimderiniń sapasy álemdik sapa deńgeiine sáikestigine kepildik bere alady. Sol siiaqty qajettiligine qarai túrli geometriialyq formalar men konfigýratsiialardaǵy ekskliýzivti bótelkeler shyǵarýǵa da múmkindigimiz bar, - dedi A. Abdýllaev.
Saparynyń qorytyndysynda oblysy ákimi A. Batalov:
- Jambyl jáne Qarasai aýdandaryn aralap, birqatar nysandardyń tynys-tirshiligimen tanysyp, qandai qoldaýlar qajettigin baǵamdadym. Aýdan, qala ákimderine shaǵyn jáne orta biznesti damytý, investitsiia tartý, irgeli kásiporyndardy, otandyq óndirýshilerdi qoldaý, jańa jumys oryndaryn ashý týraly tapsyrma bergen bolatynmyn. Memleket basshysynyń bizdiń aldymyzǵa qoiyp otyrǵan mindeti de osy. Osy tapsyrmalardyń óńirlerde qalai oryndalyp jatqanyn barlyq aýdan, qalalardy aralap, zerdeleitin bolamyn. Osy saparlardyń qorytyndysy boiynsha aýdan, qala ákimderiniń, irgeli kásiporyndar basshylarynyń qatysýymen keleli keńes ótkizemiz. Ár ákim qansha investor tartty, qandai kásiporyndardyń ashylýyna muryndyq boldy, qansha jańa jumys oryndaryn qurdy, salyq túsiminiń kórsetkishi qandai – mine, osy talaptar boiynsha olardyń jumysyn baǵalaityn bolamyz, - dedi.
Sondai-aq bir kúndik sapary barysynda kýá bolǵan Jambyl jáne Qarasai aýdandaryndaǵy bul baǵytta atqarylǵan jumystarǵa kóńilitolatynyn aitty.
- Alǵashynda shaǵyn kólemde ashylǵan kásiporyndar qazir irgesin keńeitip, ónim kólemi men túrlerin arttyryp, damýdyń jańa kezeńine aiaq basqandaryn baiqadym. Klaster qurýdyń iadrosyna ainala bastaǵanyn kórdim. Olardyń qatarynda TMD-da teńdesi joq zaýyttar da bar. Sonymen qatar kezdesý barysynda kásipkerler atqarýshy biliktiń tarapynan qoldaý kórsetýdi qajet etetin máselelerdi de kóterdi. Máselen, Jambyl aýdanynda myń gektarǵa jýyq jerge jańǵaq aǵashyn ósiretin «Grinfram» sharýa qojalyǵy gaz tartyp berýdi surasa, Qarasai aýdanynyń kóptegen kásiporyndarynyń basty problemalary – káriz sýaǵarlary men elektr qýatynyń jetispeýshiligi bolyp otyr. Biz osy tektes aitylǵan máselelerdiń barlyǵynyń sheshimin qarastyryp, kásipkerlikke barynsha qoldaý kórsetýimiz qajet, - dedi oblys ákimi A. Batalov.
Osy kúniÚshqońyr aýylyndaǵy qoǵamdyq-mádeni ortalyqta bolyp, bul ǵimaratty aldaǵy ýaqytta ákimshilik ǵimarat retinde rekonstrýktsiialaýdy tapsyrdy. Al mundaǵy úiirmeler men kino zaly aýyldaǵy mádeniet úiinde jumysyn jalǵastyratyn bolady.
