اباي وبلىسىندا تٶرت كٶلٸكتٸڭ قاتىسۋىمەن بولعان جول-كٶلٸك وقيعاسىنان بٸر ەيەل قازا تاۋىپ, بٸرنەشە ادام جاراقات الدى, دەپ حابارلايدى dalanews.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, جول اپاتى 9 شٸلدە كٷنٸ تاڭەرتەڭ الماتى – ٶسكەمەن اۆتوجولىنىڭ 885-شاقىرىمىندا, جارما اۋدانىنا قاراستى جارما اۋىلى ماڭىندا بولعان.
الدىن الا مەلٸمەت بويىنشا, Volkswagen Polo اۆتوكٶلٸگٸنٸڭ جٷرگٸزۋشٸسٸ كٶلٸك باسقارۋ كەزٸندە نازارىن جولدان اۋدارىپ, رٶلگە يە بولا الماي قارسى باعىتقا شىعىپ كەتكەن. سونىڭ سالدارىنان ول Volvo جٷك كٶلٸگٸمەن سوقتىعىسقان. كەيٸن جول اپاتىنا Toyota Windom جەڭٸل كٶلٸگٸ مەن DAF جٷك كٶلٸگٸ دە تارتىلعان.
جول اپاتى سالدارىنان Volkswagen Polo كٶلٸگٸنٸڭ جولاۋشىسى العان جاراقاتتارىنان وقيعا ورنىندا كٶز جۇمدى. ەرتٷرلٸ دەنە جاراقاتىن العان بٸرنەشە ادام مەديتسينالىق مەكەمەگە جەتكٸزٸلدٸ.
اتالعان دەرەك بويىنشا قىلمىستىق كودەكستٸڭ 345-بابىنىڭ 3-بٶلٸگٸ بويىنشا سوتقا دەيٸنگٸ تەرگەۋ باستالدى. قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
پوليتسييا جٷرگٸزۋشٸلەردٸ كٶلٸك تٸزگٸنٸندە تەلەفونعا نەمەسە ٶزگە فاكتورلارعا الاڭداماۋعا, جىلدامدىق رەجيمٸن ساقتاپ, قاۋٸپسٸز اراقاشىقتىقتى ۇستانۋعا شاقىردى.
