Abai oblysynda tórt kóliktiń qatysýymen bolǵan jol-kólik oqiǵasynan bir áiel qaza taýyp, birneshe adam jaraqat aldy, dep habarlaidy dalanews.kz.
Oblystyq politsiia departamentiniń málimetinshe, jol apaty 9 shilde kúni tańerteń Almaty – Óskemen avtojolynyń 885-shaqyrymynda, Jarma aýdanyna qarasty Jarma aýyly mańynda bolǵan.
Aldyn ala málimet boiynsha, Volkswagen Polo avtokóliginiń júrgizýshisi kólik basqarý kezinde nazaryn joldan aýdaryp, rólge ie bola almai qarsy baǵytqa shyǵyp ketken. Sonyń saldarynan ol Volvo júk kóligimen soqtyǵysqan. Keiin jol apatyna Toyota Windom jeńil kóligi men DAF júk kóligi de tartylǵan.
Jol apaty saldarynan Volkswagen Polo kóliginiń jolaýshysy alǵan jaraqattarynan oqiǵa ornynda kóz jumdy. Ártúrli dene jaraqatyn alǵan birneshe adam meditsinalyq mekemege jetkizildi.
Atalǵan derek boiynsha Qylmystyq kodekstiń 345-babynyń 3-bóligi boiynsha sotqa deiingi tergeý bastaldy. Qazirgi ýaqytta oqiǵanyń barlyq mán-jaiy anyqtalyp jatyr.
Politsiia júrgizýshilerdi kólik tizgininde telefonǵa nemese ózge faktorlarǵa alańdamaýǵa, jyldamdyq rejimin saqtap, qaýipsiz araqashyqtyqty ustanýǵa shaqyrdy.
