اباي وبلىسىندا بٸر كٷننٸڭ ٸشٸندە كٸشكەنتاي بالالاردىڭ تەرەزەدەن قۇلاۋىنا بايلانىستى ەكٸ قايعىلى وقيعا تٸركەلدٸ, دەپ حابارلايدى dalanews.kz.
وقيعالار سەمەي قالاسىنىڭ قاراعايلى شاعىناۋدانىندا بولعان.
العاشقى جاعدايدا ەكٸ جاسار بالا التىنشى قاباتتاعى پەتەردٸڭ تەرەزەسٸنەن قۇلاپ كەتكەن. ول العان اۋىر جاراقاتتارىنان وقيعا ورنىندا كٶز جۇمدى.
ەكٸنشٸ جاعدايدا ٷش جاسار بالا ەكٸنشٸ قاباتتىڭ تەرەزەسٸنەن قۇلاعان. ول اۋرۋحاناعا جەتكٸزٸلٸپ, قازٸر دەرٸگەرلەردٸڭ باقىلاۋىندا جاتىر.
وسى قايعىلى جاعدايلاردان كەيٸن اباي وبلىسى پوليتسييا دەپارتامەنتٸ پروفيلاكتيكالىق جۇمىستاردى كٷشەيتتٸ. كەشكٸ ۋاقىتتا پوليتسييا قىزمەتكەرلەرٸ تۇرعىن ٷيلەردٸ ارالاپ, داۋىس زورايتقىش ارقىلى اتا-انالارعا كٸشكەنتاي بالالاردى, ەسٸرەسە تەرەزەسٸ اشىق بٶلمەلەردە, قاراۋسىز قالدىرماۋ قاجەتتٸگٸن ەسكەرتتٸ.
پوليتسەيلەر موسكيت تورلارىنىڭ قاۋٸپسٸزدٸككە كەپٸل بولمايتىنىن دا ەسكە سالدى. ولاردىڭ ايتۋىنشا, مۇنداي تورلار بالانىڭ سالماعىن كٶتەرە المايدى جەنە قۇلاۋدان قورعامايدى.
پوليتسييا اتا-انالارعا مىناداي قاۋٸپسٸزدٸك شارالارىن ساقتاۋعا كەڭەس بەرەدٸ:
كٸشكەنتاي بالالاردى ەشقاشان قاراۋسىز قالدىرماۋ;
تەرەزەنٸڭ جانىنا بالانىڭ تەرەزە الدىنا شىعۋىنا مٷمكٸندٸك بەرەتٸن جيھاز قويماۋ;
تەرەزەلەرگە ارنايى قۇلىپ نەمەسە اشىلۋىن شەكتەيتٸن قۇرىلعىلار ورناتۋ;
بٸرنەشە سەكۋندقا عانا نازار اۋدارماۋدىڭ ٶزٸ ورنى تولماس قايعىعا ەكەلۋٸ مٷمكٸن ەكەنٸن ەستە ساقتاۋ.
