Abai oblysynda bir kúnniń ishinde kishkentai balalardyń terezeden qulaýyna bailanysty eki qaiǵyly oqiǵa tirkeldi, dep habarlaidy dalanews.kz.
Oqiǵalar Semei qalasynyń Qaraǵaily shaǵynaýdanynda bolǵan.
Alǵashqy jaǵdaida eki jasar bala altynshy qabattaǵy páterdiń terezesinen qulap ketken. Ol alǵan aýyr jaraqattarynan oqiǵa ornynda kóz jumdy.
Ekinshi jaǵdaida úsh jasar bala ekinshi qabattyń terezesinen qulaǵan. Ol aýrýhanaǵa jetkizilip, qazir dárigerlerdiń baqylaýynda jatyr.
Osy qaiǵyly jaǵdailardan keiin Abai oblysy politsiia departamenti profilaktikalyq jumystardy kúsheitti. Keshki ýaqytta politsiia qyzmetkerleri turǵyn úilerdi aralap, daýys zoraitqysh arqyly ata-analarǵa kishkentai balalardy, ásirese terezesi ashyq bólmelerde, qaraýsyz qaldyrmaý qajettigin eskertti.
Politseiler moskit torlarynyń qaýipsizdikke kepil bolmaitynyn da eske saldy. Olardyń aitýynsha, mundai torlar balanyń salmaǵyn kótere almaidy jáne qulaýdan qorǵamaidy.
Politsiia ata-analarǵa mynadai qaýipsizdik sharalaryn saqtaýǵa keńes beredi:
kishkentai balalardy eshqashan qaraýsyz qaldyrmaý;
terezeniń janyna balanyń tereze aldyna shyǵýyna múmkindik beretin jihaz qoimaý;
terezelerge arnaiy qulyp nemese ashylýyn shekteitin qurylǵylar ornatý;
birneshe sekýndqa ǵana nazar aýdarmaýdyń ózi orny tolmas qaiǵyǵa ákelýi múmkin ekenin este saqtaý.
