– ساياسي قۋعىن-سۇرگىن قۇرباندارىن تولىق اقتاۋ جونىندەشى رەسپۋبليكالىق كوميسسياسىنىڭ بىرنەشە وتىرىسى وتكىزىلدى. ءقازىردىڭ وزىندە بەلگىلى ءبىر قورىتىندىسى جاسالىپ، وقۋلىقتار باسىپ شىعارىلدى. جۋىقتا مەملەكەت حاتشىسىنىڭ ءتورعالىق ەتۋىمەن دە وتىرىس وتكەنىن بىلەسىزدەر. 31 مامىرعا قاراي مىندەتتى تۇردە جۇمىستاردىڭ قورىتىندىسى شىعارىلادى، – دەدى ول ۇكىمەت وتىرىسىنان كەيىن جۋرناليستەردىڭ ساۋالىنا بەرگەن جاۋابىندا. سونداي-اق ول 9 مامىر مەرەكەسىنىڭ اتاۋى مەن مازمۇنىن وزگەرتۋ تۋرالى ۇسىنىستارعا قاتىستى ءوز ۇسىنىسىن اتادى.
– 9 مامىر جەڭىس كۇنى ەمەس، ازا تۇتۋ كۇنى ەتىپ اتاپ ءوتۋ تۋرالى ماسەلە باياعىدان كوتەرىلىپ كەلە جاتىر. بۇل ماسەلە بويىنشا اركىمنىڭ ءوز ويى بار. شىن مانىندە بۇل بۇل ءارى جەڭىس كۇنى، ءارى ەسكە الۋ كۇنى. مەنىڭ ويىمشا، ولاردى بىر-بىرىنەن ءبولىپ قاراۋدىڭ قاجەتى جوق شىعار. ونداي ماسەلە كۇن تارتىبىندە تۇرعان جوق دەسە دە بولاتىن شىعار. جەڭىس كۇنىن جەرىمىزدى قورعاپ قالعان اتالارىمىز بەن اكەلەرىمىزدى ەسكە الىپ جاتساق، مۇنىڭ ەش سوكەتتىگى جوق دەپ ويلايمىن. مەنىڭ جەكە ۇستانىمىم وسىنداي، – دەدى ۇكىمەت باسشىسىنىڭ ورىنباسارى.
ءبىر اي بۇرىن ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ وتىرىسى ءوتىپ، زەرتتەۋشى عالىمدار جۇرگىزگەن عىلىمي ىزدەنىستەردىڭ ناتيجەلەرى، مەملەكەتتىك كوميسسيانى زاڭدىق جانە تەرمينولوگيالىق تۇرعىدان قامتاماسىز ەتۋ ماسەلەلەرى قارالعان بولاتىن.
