– Saiasi qýǵyn-súrgin qurbandaryn tolyq aqtaý jónindeshi respýblikalyq komissiiasynyń birneshe otyrysy ótkizildi. Qazirdiń ózinde belgili bir qorytyndysy jasalyp, oqýlyqtar basyp shyǵaryldy. Jýyqta Memleket hatshysynyń tórǵalyq etýimen de otyrys ótkenin bilesizder. 31 mamyrǵa qarai mindetti túrde jumystardyń qorytyndysy shyǵarylady, – dedi ol Úkimet otyrysynan keiin jýrnalisterdiń saýalyna bergen jaýabynda. Sondai-aq ol 9 mamyr merekesiniń ataýy men mazmunyn ózgertý týraly usynystarǵa qatysty óz usynysyn atady.
– 9 mamyr Jeńis kúni emes, aza tutý kúni etip atap ótý týraly másele baiaǵydan kóterilip kele jatyr. Bul másele boiynsha árkimniń óz oiy bar. Shyn máninde bul bul ári Jeńis kúni, ári eske alý kúni. Meniń oiymsha, olardy bir-birinen bólip qaraýdyń qajeti joq shyǵar. Ondai másele kún tártibinde turǵan joq dese de bolatyn shyǵar. Jeńis kúnin jerimizdi qorǵap qalǵan atalarymyz ben ákelerimizdi eske alyp jatsaq, munyń esh sókettigi joq dep oilaimyn. Meniń jeke ustanymym osyndai, – dedi Úkimet basshysynyń orynbasary.
Bir ai buryn Saiasi qýǵyn-súrgin qurbandaryn tolyq aqtaý jónindegi memlekettik komissiianyń otyrysy ótip, zertteýshi ǵalymdar júrgizgen ǵylymi izdenisterdiń nátijeleri, memlekettik komissiiany zańdyq jáne terminologiialyq turǵydan qamtamasyz etý máseleleri qaralǵan bolatyn.
