مەيٸرگٷلدٸڭ ەكەسٸ سامەت ۇلاربەك پەن شەشەسٸ تۇرسىن ورالحان 2016 جىلعى 8 تامىزدا الماتى قالاسىنىڭ مامانداندىرىلعان اۋدانارالىق ەكٸمشٸلٸك سوتىنىڭ قاۋلىسىمەن قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 517-بابى 4-بٶلٸمٸنە سەيكەس (بەلگٸلەنگەن مەرزٸمدە ەلدەن شىعۋدان جالتارۋ) ەكٸمشٸلٸك جاۋاپكەرشٸلٸككە تارتىلىپ, سوت شەشٸمٸمەن ەكەسٸ بٸر تەۋلٸككە قاماۋعا الىنعان, شەشەسٸ ايىپپۇل تٶلەگەن. 2016 جىلعى 14 تامىزدا ولار قازاقستاننان «قورعاس» باقىلاۋ-ٶتكٸزۋ پۋنكتٸ ارقىلى شىعىپ كەتكەن. ولاردىڭ قازاقستانعا 5 جىل بويى كٸرۋٸنە رۇحسات جوق ەكەن. قارعاداي قىز مەيٸرگٷل تانىستارىنىڭ قولىندا الماتىدا جالعىز قالعان.
2016 جىلعى 7 جەلتوقساندا «نۇر وتان» پارتيياسىنىڭ رەسپۋبليكالىق قوعامدىق قابىلداۋ بٶلمەسٸندە ٸشكٸ ٸستەر مينيسترٸ ق.قاسىموۆپەن ٶتكەن قابىلداۋدا مەيٸرگٷل ۇلاربەكقىزى الماتىدان كەلٸپ, مينيستردٸڭ قابىلداۋىندا بولدى. ٶتٸنٸشٸن ايتىپ, اتا-اناسىنىڭ تەزٸرەك قازاقستانعا ورالۋىنا راقىمشىلىق جاساۋىن سۇراعان بولاتىن.
ٸشكٸ ٸستەر مينيسترٸ مەيٸرگٷلدٸڭ ٶتٸنٸشٸ بويىنشا, قر سىرتقى ٸستەر مينيسترلٸگٸنٸڭ كونسۋلدىق دەپارتامەنتٸنە حات جازىپ, ٷرٸمجٸدەگٸ كونسۋلدىقتان سامەت ۇلاربەك پەن شەشەسٸ تۇرسىن ورالحانعا ەلٸمٸزگە كٸرۋ ۆيزاسىن بەرۋدٸ سۇراپتى.
مٸنە, بٷگٸن – 22 جەلتوقساندا «نۇر وتان» پارتيياسىنىڭ قوعامدىق قابىلداۋ بٶلمەسٸنە ٷرٸمجٸدەگٸ مەيٸرگٷلدٸڭ اناسىنان تەلەفون ارقىلى قۋانىشتى حابار كەلدٸ. ولار ەلٸمٸز كونسۋلدىعىنان قازاقستانعا كەلۋ ۆيزاسىن الىپتى. ەندٸ ساناۋلى كٷندەردەن سوڭ, الماتىدا قالعان قىزىمەن امان-ەسەن قاۋىشادى.
[caption id="attachment_22339" align="alignright" width="231"]
مەيٸرگٷلدٸڭ اناسى ۆيزا الىپ, ەلگە ورالاتىن بولدى[/caption]
"نۇر وتان" پارتيياسىنا العىسىن جاۋدىرىپ جاتىر قانداسىمىز!
بٸراق, مەسەلە جالعىز مەيٸرگٷلدٸڭ اتا-اناسىنىڭ ورالۋىمەن بٸتكەن جوق. ٷيٸرٸنەن بٶلٸنٸپ قالعان جاندار ەلٸ دە كٶپ.
مىسالى, وسى جازامەن 2015 جىلى 307 ەتنيكالىق قازاق ەلدەن تىس جەرگە شىعارىلىپتى. 2016 جىلدىڭ العاشقى توعىز ايىندا 199 قانداسىمىز جازاعا تارتىلىپ, ٶز ەلٸنە قايتارىلىپتى.
ال, 2014 جىلى قانشا ەتنيكالىق قازاقتىڭ دەل وسى قۇقىق بۇزۋشىلىقتىڭ قۇربانى بولعانى تۋرالى مەلٸمەت جوق. 2014 جىلعى كٶرسەتكٸش بۇدان دا كٶپ بولۋى مٷمكٸن!
بۇل تۋرالى سەل كەيٸنٸرەك كەڭٸرەك توقتالامىز.
اۋىت مۇقيبەك
