Meiirgúldiń ákesi Samet Ularbek pen sheshesi Tursyn Oralhan 2016 jylǵy 8 tamyzda Almaty qalasynyń Mamandandyrylǵan aýdanaralyq ákimshilik sotynyń qaýlysymen QR ákimshilik quqyq buzýshylyq týraly kodeksiniń 517-baby 4-bólimine sáikes (belgilengen merzimde elden shyǵýdan jaltarý) ákimshilik jaýapkershilikke tartylyp, sot sheshimimen ákesi bir táýlikke qamaýǵa alynǵan, sheshesi aiyppul tólegen. 2016 jylǵy 14 tamyzda olar Qazaqstannan «Qorǵas» baqylaý-ótkizý pýnkti arqyly shyǵyp ketken. Olardyń Qazaqstanǵa 5 jyl boiy kirýine ruhsat joq eken. Qarǵadai qyz Meiirgúl tanystarynyń qolynda Almatyda jalǵyz qalǵan.
2016 jylǵy 7 jeltoqsanda «Nur Otan» partiiasynyń respýblikalyq qoǵamdyq qabyldaý bólmesinde Ishki ister ministri Q.Qasymovpen ótken qabyldaýda Meiirgúl Ularbekqyzy Almatydan kelip, ministrdiń qabyldaýynda boldy. Ótinishin aityp, ata-anasynyń tezirek Qazaqstanǵa oralýyna raqymshylyq jasaýyn suraǵan bolatyn.
Ishki ister ministri Meiirgúldiń ótinishi boiynsha, QR Syrtqy ister ministrliginiń Konsýldyq departamentine hat jazyp, Úrimjidegi konsýldyqtan Samet Ularbek pen sheshesi Tursyn Oralhanǵa elimizge kirý vizasyn berýdi surapty.
Mine, búgin – 22 jeltoqsanda «Nur Otan» partiiasynyń qoǵamdyq qabyldaý bólmesine Úrimjidegi Meiirgúldiń anasynan telefon arqyly qýanyshty habar keldi. Olar Elimiz konsýldyǵynan Qazaqstanǵa kelý vizasyn alypty. Endi sanaýly kúnderden soń, Almatyda qalǵan qyzymen aman-esen qaýyshady.
[caption id="attachment_22339" align="alignright" width="231"]
Meiirgúldiń anasy viza alyp, elge oralatyn boldy[/caption]
"Nur Otan" partiiasyna alǵysyn jaýdyryp jatyr qandasymyz!
Biraq, másele jalǵyz Meiirgúldiń ata-anasynyń oralýymen bitken joq. Úiirinen bólinip qalǵan jandar áli de kóp.
Mysaly, osy jazamen 2015 jyly 307 etnikalyq qazaq elden tys jerge shyǵarylypty. 2016 jyldyń alǵashqy toǵyz aiynda 199 qandasymyz jazaǵa tartylyp, óz eline qaitarylypty.
Al, 2014 jyly qansha etnikalyq qazaqtyń dál osy quqyq buzýshylyqtyń qurbany bolǵany týraly málimet joq. 2014 jylǵy kórsetkish budan da kóp bolýy múmkin!
Bul týraly sál keiinirek keńirek toqtalamyz.
Aýyt MUQIBEK
