Aqmola oblysynda er adam internet-alaiaqqa senip, 2,3 mln teńgesinen aiyryldy, dep habarlaidy dalanews.kz.
Oqiǵa Esil aýdanynda bolǵan. Politsiia málimetinshe, jábirlenýshi TikTok-ta kómek suraǵan videony kórip, keiin WhatsApp arqyly hat almasýdy jalǵastyrǵan.
«Bir aidan keiin oǵan qyzdyń aýyr naýqas ekeni jáne emge aqsha qajet ekeni aitylǵan. Alǵashynda T13 myń suralǵan. Keiin em shyǵyndary kóbeie bergen. Biraz ýaqyttan soń er adamǵa qyzdyń qaitys bolǵany habarlanǵan. Artynsha oǵan ózin jerleý qyzmetkerleri retinde tanystyrǵan adamdar, keiin “kórshisi” habarlasyp, tórt balany asyrap otyrǵanyn aityp, aqsha suraǵan. Jalpy er adam 64 ret aqsha aýdarǵan. Ol úshin birneshe nesie rásimdep, tanystarynan qaryz alǵan», – dep málimdedi Aqmola oblysy politsiia departamenti.
Alaiaqtyq jábirlenýshiniń ápkesi hat almasýlar men aýdarymdardy kórgennen keiin ǵana áshkerelengen.
Qazirgi tańda bul fakti boiynsha sotqa deiingi tergeý bastaldy. Kúdikti retinde Soltústik Qazaqstan oblysynyń turǵyny anyqtalyp, onyń qatysy tekserilip jatyr.
