InDrive نەگٸزٸن قالاۋشى ارسەن تومسكيي الماتىداعى Esentai Mall ساۋدا ورتالىعىنداعى كيٸمدەردٸڭ باعاسىن سىنعا الدى. بۇل تۋرالى ول Threads جەلٸسٸندە جازدى, دەپ حابارلايدى dalanews.kz.
ونىڭ ايتۋىنشا, ول ماۋسىم ايىنىڭ باسىنان بەرٸ الماتىدا بولماعان. قالاعا ورالعان سوڭ كيٸمٸ از ەكەنٸن بايقاپ, جاقىن جەردەگٸ Esentai Mall ساۋدا ورتالىعىنا بارعان.
"جۇمسارتىپ ايتقاندا, مەن اسا كەدەي ادام ەمەسپٸن. بٸراق مىڭ دوللار تۇراتىن فۋتبولكالاردىڭ بەرٸن كٸم ساتىپ الادى? ەڭ باستىسى, نە ٷشٸن?", – دەپ جازدى تومسكيي.
ايتا كەتەيٸك, Forbes Kazakhstan-نىڭ 2026 جىلعى مامىرداعى رەيتينگٸ بويىنشا, تومسكيي قازاقستانداعى ەڭ باي 75 كەسٸپكەردٸڭ اراسىندا 12-ورىندا تۇر. باسىلىم ونىڭ دەۋلەتٸن 865 ملن دوللارعا باعالاعان.
بۇعان دەيٸن, تامىز ايىندا, تومسكيي كاميلا لۇقپانوۆاعا ٷيلەنگەن ەدٸ. ولاردىڭ تويى تٷركييانىڭ ىستانبۇل قالاسىندا, بوسفور جاعالاۋىندا ٶتتٸ.
