InDrive negizin qalaýshy Arsen Tomskii Almatydaǵy Esentai Mall saýda ortalyǵyndaǵy kiimderdiń baǵasyn synǵa aldy. Bul týraly ol Threads jelisinde jazdy, dep habarlaidy dalanews.kz.
Onyń aitýynsha, ol maýsym aiynyń basynan beri Almatyda bolmaǵan. Qalaǵa oralǵan soń kiimi az ekenin baiqap, jaqyn jerdegi Esentai Mall saýda ortalyǵyna barǵan.
"Jumsartyp aitqanda, men asa kedei adam emespin. Biraq myń dollar turatyn fýtbolkalardyń bárin kim satyp alady? Eń bastysy, ne úshin?", – dep jazdy Tomskii.
Aita keteiik, Forbes Kazakhstan-nyń 2026 jylǵy mamyrdaǵy reitingi boiynsha, Tomskii Qazaqstandaǵy eń bai 75 kásipkerdiń arasynda 12-orynda tur. Basylym onyń dáýletin 865 mln dollarǵa baǵalaǵan.
Buǵan deiin, tamyz aiynda, Tomskii Kamila Luqpanovaǵa úilengen edi. Olardyń toiy Túrkiianyń Ystanbul qalasynda, Bosfor jaǵalaýynda ótti.
