ستەپنوگورسك قالاسىندا ونداعان جىل بويى جٶندەلمەگەن نەگٸزگٸ جىلۋ ماگيسترالٸ جاڭعىرتۋدان ٶتەدٸ, دەپ حابارلايدى dalanews.kz.
ٶتكەن جىلىتۋ ماۋسىمىندا عانا قالاداعى باستى جىلۋ ماگيسترالٸندە 72 اپات تٸركەلگەن. قالاعا جىلۋ جەتكٸزەتٸن بۇل قۇبىرلار 1973 جىلى پايدالانۋعا بەرٸلگەن. وسى ۋاقىتقا دەيٸن مۇندا تولىق جاڭارتۋ جٷرگٸزٸلمەي, تەك اپات بولعان ۋچاسكەلەردٸ ۋاقىتشا قالپىنا كەلتٸرۋمەن شەكتەلٸپ كەلگەن. 2026 جىلدىڭ 1 قاڭتارىنداعى جاعداي بويىنشا «جەو-قالا» جىلۋ جەلٸسٸنٸڭ توزۋ دەڭگەيٸ 70,3%-عا جەتكەن.
ەندٸ «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا ماگيسترال تولىق قايتا قۇرىلادى. اقمولا وبلىسى بويىنشا تابيعي مونوپولييالاردى رەتتەۋ دەپارتامەنتٸنٸڭ مەلٸمەتٸنشە, جوبا 2026-2027 جىلدارى ٸسكە اسىرىلادى. قازٸر قۇبىر جەتكٸزۋگە كەلٸسٸمشارتتار رەسٸمدەلٸپ, مەردٸگەر ۇيىمدارمەن جۇمىستار جٷرگٸزٸلٸپ جاتىر. جاقىن كٷندەرٸ ەسكٸ جەلٸلەردٸ دەمونتاجداۋ باستالادى.
«جۇمىستاردى جٷرگٸزۋ كەزٸندە وتاندىق ٶندٸرۋشٸلەردٸڭ ماتەريالدارى قولدانىلادى. بۇل الدىن الا وقشاۋلانعان بولات قۇبىرلار, بۇرىلىستار, تٸرەكتەر, تارماقتار, ارماتۋرا مەن مەتالل بۇيىمدارى, تەمٸربەتون ٶنٸمدەرٸ جەنە تاعى باسقا ماتەريالدار. جالپى 36 تٷرلٸ ٶنٸم پايدالانىلادى», – دەدٸ «رەمەنەرگوماش» جشس ديرەكتورى اندرەي تيشكوۆ.
ال «ستەپنوگورسك تەپلوترانزيت» جشس ديرەكتورى ەگور لىسەنكو جۇمىستاردىڭ بەلگٸلەنگەن كەستە بويىنشا جٷرٸپ جاتقانىن ايتتى.
«جۇمىستار كەستەگە سەيكەس جٷرٸپ جاتىر جەنە بيىل 1 قىركٷيەككە دەيٸن ورىندالادى», – دەدٸ ول.
جوبانىڭ بٸرٸنشٸ كەزەڭٸندە 4,823 شاقىرىم جىلۋ ماگيسترالٸ اۋىستىرىلادى. ەكٸنشٸ كەزەڭدە تاعى 4,673 شاقىرىم جەلٸ جاڭارتىلادى. جالپى ينۆەستيتسييا كٶلەمٸ 5,8 ملرد تەڭگەنٸ قۇرايدى. جوبا «قازاقستان تۇرعىن ٷي كومپانيياسى» تاراپىنان پايىزدىق مٶلشەرلەمەنٸ ٸشٸنارا سۋبسيدييالاۋ ارقىلى قارجىلاندىرىلادى.
جوبا اياقتالعاننان كەيٸن 20 431 ابونەنت ساپالى جىلۋمەن قامتاماسىز ەتٸلەدٸ. ونىڭ ٸشٸندە 288 كٶپقاباتتى تۇرعىن ٷي, 14 جەكە ٷي جەنە 154 تٷرلٸ نىسان بار.
سونىمەن قاتار 25 ۋاقىتشا جەنە 30 تۇراقتى جۇمىس ورنى اشىلادى.
جاڭعىرتۋ نەتيجەسٸندە «جەو-قالا» نەگٸزگٸ قۇبىرىنىڭ توزۋ دەڭگەيٸ 20,8%-عا تٶمەندەيدٸ دەپ كٷتٸلٸپ وتىر.
ايتا كەتەيٸك, «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى 2029 جىلعا دەيٸن جٷزەگە اسىرىلادى. باعدارلاما اياسىندا رەسپۋبليكا بويىنشا كوممۋنالدىق ينفراقۇرىلىم توزۋىن 40%-عا دەيٸن تٶمەندەتٸپ, اپات قاۋپٸن 20%-عا قىسقارتۋ جوسپارلانعان.
