«وبلىستىق جانە اۋداندىق مەديسينالىق ۇيىمداردا سۇرانىسقا يە جاس مامانداردى قولداۋ ماقساتىندا ق ر كاسىپوداقتار فەدەراسياسى «SENIM» سالالىق كاسىپوداعىمەن بىرلەسىپ، قوسىمشا ىنتالاندىرۋشى تولەم رەتىندە 500 000 تەڭگە كولەمىندەگى سەرتيفيكاتتاردى تاعايىندادى»، - دەپ حابارلادى بۇگىن جۋرناليستەرگە «پاۆلودار وبلىستىق كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ باسپا ءسوز قىزمەتى.
بۇل سەرتيفيكاتتاردى العىسى كەلەتىن ۇمىتكەرلەر بىرىنشىلىك كاسىپوداق ۇيىمدارىنا ءوتىنىش بەرەدى.
كەيىن «SENIM» كاسىپوداعىنىڭ وبلىستىق اتقارۋ كوميتەتى مەن وبلىستىق دەنساۋلىق ساقتاۋ باسقارماسىنىڭ بىرلەسكەن وتىرىسىندا شەشىم قابىلدانىپ، ۇمىتكەرلەر ىرىكتەلەدى، دەپ اتاپ ءوتتى ورتالىقتا.
قاراجات يەگەرىمەن كەلىسىم جاسالىپ، جاس مامان مەديسينالىق مەكەمەدە كەم دەگەندە 2 جىل جۇمىس ىستەۋگە مىندەتتەلەدى.
«قازىرگى ۋاقىتتا بۇل سەرتيفيكاتتاردى 36 مامان يەلەندى. ر كاسىپوداقتار فەدەراسياسى مەن «SENIM» سالالىق كاسىپوداعى جوسپارلاعان الداعى جاستار فورۋمدارىندا تاعى 30 سەرتيفيكات تابىستالادى»، - دەدى پاۆلودار وبلىسى كاسىپوداقتار ورتالىعىنىڭ باسپا ءسوز قىزمەتى.
جىل سوڭىنا دەيىن 40 ميلليون تەڭگەگە 80 سەرتيفيكات بەرۋ جوسپارلانىپ وتىر.
دەرەككوز: inform.kz
