500 myń teńgeniń sertifikaty: Pavlodarda jas mamandy qoldaityn joba jasaldy
«Oblystyq jáne aýdandyq meditsinalyq uiymdarda suranysqa ie jas mamandardy qoldaý maqsatynda QR Kásipodaqtar federatsiiasy «SENIM» salalyq kásipodaǵymen birlesip, qosymsha yntalandyrýshy tólem retinde 500 000 teńge kólemindegi sertifikattardy taǵaiyndady», - dep habarlady búgin jýrnalisterge «Pavlodar oblystyq kásipodaqtar ortalyǵy» aýmaqtyq kásipodaqtar birlestiginiń baspasóz qyzmeti.
Bul sertifikattardy alǵysy keletin úmitkerler birinshilik kásipodaq uiymdaryna ótinish beredi.
Keiin «SENIM» kásipodaǵynyń oblystyq atqarý komiteti men oblystyq densaýlyq saqtaý basqarmasynyń birlesken otyrysynda sheshim qabyldanyp, úmitkerler irikteledi, dep atap ótti ortalyqta.
Qarajat iegerimen kelisim jasalyp, jas maman meditsinalyq mekemede kem degende 2 jyl jumys isteýge mindetteledi.
«Qazirgi ýaqytta bul sertifikattardy 36 maman ielendi. R Kásipodaqtar federatsiiasy men «SENIM» salalyq kásipodaǵy josparlaǵan aldaǵy jastar forýmdarynda taǵy 30 sertifikat tabystalady», - dedi Pavlodar oblysy kásipodaqtar ortalyǵynyń baspasóz qyzmeti.
Jyl sońyna deiin 40 million teńgege 80 sertifikat berý josparlanyp otyr.
Derekkóz: inform.kz
