1 شٸلدەدەن باستاپ ەڭبەك دەمالىسىنا شىققان اقتٶبەلٸك مۇعالٸمدەر وسى ۋاقىتقا دەيٸن تيٸستٸ قاراجاتتارىن الا الماي جٷرگەندەرٸن ايتىپ شاعىمداندى, دەپ حابارلايدى dalanews.kz "دياپازون" باسىلىمىنا سٸلتەمە جاساپ.
"1 شٸلدەدەن باستاپ مەكتەپ پەداگوگتەرٸ زاڭدى جىلدىق ەڭبەك دەمالىسىنا شىقتى. بٸراق كٶبٸسٸ دەمالىس اقىسىن ەلٸ العان جوق. بٸزگە "اقشا جوق" دەپ ايتادى. پەداگوگتەر ٷشٸن دەمالىس - سەن-سالتانات نەمەسە قوسىمشا ارتىقشىلىق ەمەس, زاڭمەن كەپٸلدەندٸرٸلگەن قۇقىق. دەمالىس اقىسى مۇعالٸمدەرگە ازىق-تٷلٸك, كوممۋنالدىق قىزمەتتەر, ەمدەلۋ جەنە تۋىستارىنا بارۋ سيياقتى نەگٸزگٸ ٶمٸرلٸك قاجەتتٸلٸكتەرٸن ٶتەۋگە مٷمكٸندٸك بەرەدٸ. تٶلەمدەر بولماسا, دەمالىس كٷش جينايتىن ۋاقىتقا ەمەس, ۋايىم مەن بەلگٸسٸزدٸك كەزەڭٸنە اينالادى", - دەلٸنگەن مۇعالٸمدەردٸڭ گازەت رەداكتسيياسىنا جولداعان حاتىندا.
بٸلٸم باسقارماسى دەمالىس اقىسى دەمالىس باستالعانعا دەيٸن كەمٸندە ٷش كٷن بۇرىن تٶلەنۋٸ تيٸس ەكەنٸن راستادى.
"بٸراق بۇل بٸزگە ەمەس, بيۋدجەتتٸڭ كٸرٸس بٶلٸگٸنٸڭ تٷسۋٸنە بايلانىستى. بٸز كەستە قۇردىق, 1-10 شٸلدە ارالىعىندا دەمالىسقا شىققاندارعا اقشانى كەزەڭ-كەزەڭٸمەن تٶلەۋگە دايىنبىز, بٸراق بۇل تەك بيۋدجەتتەن قاراجات تٷسكەن كەزدە عانا جٷزەگە اسادى", - دەپ جاۋاپ بەردٸ بٸلٸم باسقارماسى باسشىسىنىڭ ورىنباسارى اقكەنجە تىندىباەۆا.
سونداي-اق, ول 1 ماۋسىمنان باستاپ دەمالىسقا شىققانداردىڭ جالاقىسى مەن دەمالىس اقىسىن تولىق العانىن اتاپ ٶتتٸ.
"شٸلدە ايىنىڭ تٶلەمدەرٸن كٷتٸپ وتىرمىز. سۇراتىلعان سوما شامامەن 5 ملرد تەڭگەنٸ قۇرايدى", - دەدٸ بٸلٸم باسقارماسى باسشىسىنىڭ ورىنباسارى.
باسقارما مۇعالٸمدەردٸڭ دەمالىس اقىسى 10 شٸلدەگە دەيٸن تٷسەدٸ دەپ ۋەدە بەردٸ.
