بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى Dalanews.kz.
"توتەنشە جاعداي كەزىندە 42 500 تەڭگە قاراستىرىلىپ، ۋاقىتشا جۇمىسسىز قالعان ازاماتتاردى قولداۋعا باعىتتالدى، ونىڭ كۇشى 11 مامىردا جويىلدى. ءقازىر دەمالىس كۇندەرى كارانتين ەنگىزىلۋدە، ءبىراق ول ۇنەمى قولدانىلمايدى دەپ ويلايمىن. ءقازىر ەلدەگى جاعداي سانيتارلىق-ەپيدەميولوگيالىق تۇرعىدان قيىن ەكەنىن تاعى دا اتاپ وتكىم كەلەدى. ازاماتتار سانيتارلىق تالاپتاردى مۇلدەم ساقتامايدى، الەۋمەتتىك قاشىقتىقتى ۇستانبايدى. سوندىقتان بۇگىندەرى جۇمىس ىستەيتىن ازاماتتارعا زيان كەلتىرمەس ءۇشىن جۇمىس كۇندەرى اقشا تابۋعا مۇمكىندىگى بولاتىنداي ەتىپ، تەك دەمالىس كۇندەرىنە كارانتين قاتاڭ تۇردە قويىلادى"، - دەدى ول.
سونىمەن بىرگە، ول بيزنەستەگىلەر ءۇشىن "دەمالىس كۇندەرگى" كارانتين ءۇشىن قانداي-دا ءبىر وتەماقى قاراستىرىلۋى كەرەك دەپ اتاپ ءوتتى. ونىڭ ايتۋىنشا، ۇكىمەت پاندەمياعا بايلانىستى كەز-كەلگەن سەناريي بويىنشا بيزنەس پەن قاراپايىم ادامداردى قولداۋ ءۇشىن دايىن.
- ۇكىمەت قازان ايىنا دەيىن "0" كوەففيسيەنتىن قولدانا وتىرىپ، ءتۇرلى سالىقتاردان، مىندەتتى تولەمدەردەن بوساتۋ سياقتى ءبىرقاتار شارالاردى قابىلدادى. ءبىرقاتار سالىقتىق جەڭىلدىكتەر قابىلداندى، سالىقتار مەن نەسيەلەردى كەيىنگە شەگەرۋ شارالارى قاراستىرىلعان. جالپى، مەملەكەتتىك كوميسسيانىڭ وتىرىسىندا بيزنەستى قالىپتى جۇمىس ىستەۋ، جۇمىسپەن قامتاماسىز ەتۋ، حالىقتىڭ كىرىستەرىن قامتاماسىز ەتۋ تۇرعىسىنان قولداۋ، ونىڭ ىشىندە اينالىم كاپيتالى مەن ينۆەستيسيالىق ماقساتتار ءۇشىن شوب-قا جەڭىلدەتىلگەن نەسيە بەرۋ تۇرعىسىنان 43 جۇيەلى شارالار قاراستىرىلدى. وسىعان بايلانىستى ۇكىمەتتىڭ ەكونوميكالىق بلوگى وتە بەلسەندى جۇمىس ىستەپ جاتىر، - دەپ تولىقتىردى ءسوزىن نۇرمىبەتوۆ.
ول سونىمەن قاتار ادامداردىڭ قاشىقتىقتان جۇمىس ىستەۋ فورماتىنا كوشۋىنە بايلانىستى 42 500 تەڭگە وتەماقى تولەنبەيتىنىن ايتتى. سەبەبى - الەۋمەتتىك ساقتاندىرۋ قورىنىڭ قارجىلىق تۇراقتىلىعى.
- 42 500 وتەماقىسى بويىنشا بيۋدجەتتەن ارنايى قاراجات قاراستىرىلعان جوق. بۇل رەتتە مەملەكەتتىك الەۋمەتتىك ساقتاندىرۋ قورىنداعى اقشا پايدالانىلدى. وندا دا ونداعى اكتيۆتەردى، ياعني ينۆەستيسيالانۋعا ءتيىستى باعالى قاعازدار، قارجى قۇرالدارىن ساتۋ ارقىلى تۇسكەن اقشا. بۇل رەتتە ۇلتتىق بانك بىزگە وتە جاقسى كومەكتەستى، ول قارجى قۇرالدارىن ساتىپ، وتكىزىپ، قاجەتتى قاراجاتتارمەن قامتاماسىز ەتتى. ناتيجەسىندە، الەۋمەتتىك ساقتاندىرۋ قورى اكتيۆىندەگى 322 ميلليارد تەڭگە جۇمسالدى. 42 500 مىڭ تەڭگەدەن 4 ملن 607 مىڭ الدى، - دەگەن ول الەۋمەتتىك ساقتاندىرۋ قورىنىڭ قارجىلىق مۇمكىندىكتەرى شەكتەۋلى بولعانىن ايتتى.
ونىڭ ايتۋىنشا، ەگەر ەلىمىزدە بەلگىلى ءبىر تولەمدەر ەنگىزۋ قاجەت بولسا، وندا ول ەندى باسقا باعىتتاردان قاراستىرىلادى.
