17 ءساۋىر كۇنى تاڭعى ساعات 04:05-تە جاڭاوزەن قالاسىندا 12-پاتەرلى 2 قاباتتى تۇرعىن ءۇيدىڭ ەكىنشى كىرەبەرىسىندە جارىلىس بولدى. بولجام بويىنشا گاز قوسپاسى توگىلىپ، 150 شارشى مەتر اۋماققا زيان كەلدى.
قايتىس بولعادار سانى – 4 ادام.
ساعات 10:45 جاعداي بويىنشا 13 ادام مەديسينالىق كومەككە جۇگىندى. ونىڭ ىشىندە 8 بالا، 6 ادام اۋرۋحاناعا جاتقىزىلسا، 7 ادام ۇيگە جىبەرىلدى.
جارىلىس كەزىندە 3 پاتەرگە زيان كەلگەن. اپاتتان كەيىن ءۇي گاز جەلىسىنەن بىردەن اجىراتىلادى. قازىرگى ۋاقىتتا ۇيىندىلەردى تازالاۋ جۇمىستارى جۇرگىزىلۋدە. اپاتتىڭ سەبەبى مەن ءمان-جايى تولىق انىقتالادى.
ايماق باسشىسى نۇرلان نوعايەۆ جاڭاوزەن اۋرۋحاناسىنا جاتقىزىلعان اپاتتان زارداپ شەككەن تۇرعىنداردىڭ جايىن ءبىلدى.
بۇل جەردە ۆەدومستۆوارالىق كوميسسيا جۇمىس ىستەيدى، جارىلىس دەرەگى بويىنشا قىلمىستىق ءىس قوزعالدى.
اۋرۋحاناعا جاتقىزىلعانداردىڭ بارلىعى تراۆماتولوگيا بولىمشەسىندە ەم الادى. ال جاعدايى اۋىر تۇرعىندار جانساقتاۋ جانە قارقىندى تەراپيا انەستەزيولوگيا بولىمشەسىنە، ءبىر پاسيەنت وبلىستىق اۋرۋحاناعا جەدەل اۆياسيالىق تىكۇشاقپەن جەتكىزىلەدى.
– قايتىس بولعان ازاماتتاردىڭ وتباسىنا قايعىرا كوڭىل ايتامىن. زارداپ شەككەندەرگە جانە ولاردىڭ وتباسىلارىنا ماتەريالدىق كومەك كورسەتىلەدى، جاڭا تۇرعىن ءۇي بەرىلەدى. اپاتتىق جۇمىستارعا كومەك كورسەتكەن ەرىكتىلەر مەن قالا تۇرعىندارىنا العىس ايتامىن. قازىرگى ۋاقىتتا بارلىق ادام ۇيىندىلەردەن شىعارىلدى، – دەدى نۇرلان نوعايەۆ.
ۇيىندىلەردى تازارتۋ جۇمىستارى جالعاسۋدا
