وسكەمەندە جۇرگىزۋشى كۋالىگىن الىپ بەرەمىن دەگەن ءبولىم باسشىسى مەن قولاستىنداعىلار 35 ميلليون جىمقىرعانى ءۇشىن سوتتالدى، - دەپ حابارلايدى Dalanews.kz.
ءىس وسكەمەن قالاسىنىڭ №2 سوتىندا قارالدى. سوتتا ن جانە ا-گە گە قاتىستى قك- 247-بابىنىڭ 3-بولىگى (زاڭسىز سىياقى الۋ) جانە ا.-عا قاتىستى قك 247 بابىنىڭ 3 بولىگى، 218 بابىنىڭ 1 بولىگىمەن (قىلمىستىق جولمەن الىنعا اقشانى زاڭداستىرۋ) قىلمىستىق ءىس قارالدى.
سوتپەن انىقتالعانىن. ەسىمدى قىزمەتكەر «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنىڭ حالىققا قىزمەت كورسەتۋ ورتالىعىنىڭ شىعىس قازاقستان وبلىسى بويىنشا فيلالىنىڭ وسكەمەن قالاسىنداعى مامانداندىرىلعان ءبولىمىنىڭ باسشىسى بولا تۇرىپ، سول ءبولىمنىڭ ەكى قىزمەتكەرىنىڭ كومەگىمەن، 2023 جىلدىڭ اقپانىنان 2023 جىلدىڭ قازانىنا دەيىنگى ارالىقتا كولىك قۇرالدارىن باسقارۋعا جۇرگىزۋشى كۋالىگىن الۋ ءۇشىن ەمتيحانداردى تاپسىرۋ كەزىندە كومەك كورسەتكەنى ءۇشىن ازاماتتاردان ءىرى كولەمدە (34 960 500 تەڭگە) زاڭسىز سىياقىلار العان.
سوتتالۋشىلار شىن جۇرەكتەن وكىنىپ، تاعىلعان ايىپتى تولىق مويىندادى. ن.، ءا جانە ن مەملەكەتتىك ايىپتاۋشىمەن كىنانى مويىنداۋ تۋرالى كەلىسىم تۇرىندە پروسەسسۋالدىق كەلىسىم جاساستى.
سوتتىڭ شەشىمى:
سوت ۇكىمىمەن ن. قك-تىڭ 28 بابىنىڭ 3 بولىگىمەن، 247 بابىنىڭ 3 بولىگىمەن كىنالى دەپ تانىلىپ، 1 (ءبىر) جىل مەرزىمگە مەملەكەتتىك جانە كوممەرسيالىق ەمەس ۇيىمداردا باسشىلىق قىزمەتتەردى اتقارۋ قۇقىعىنان ايىرا وتىرىپ، 1 725 000 تەڭگەنى قۇرايتىن 500 اەك مولشەرىندە ايىپپۇل سالۋ تۇرىندەگى جازا تاعايىندالدى.
ءا. قك-نىڭ 28-بابىنىڭ 5-بولىگىمەن، 247-بابىنىڭ 3-بولىگىمەن كىنالى دەپ تانىلىپ، 1 (ءبىر) جىل مەرزىمگە مەملەكەتتىك جانە كوممەرسيالىق ەمەس ۇيىمداردا باسشىلىق لاۋازىمداردى اتقارۋ قۇقىعىنان ايىرا وتىرىپ، 1 725 000 تەڭگەنى قۇرايتىن 500 اەك مولشەرىندە ايىپپۇل سالۋ تۇرىندەگى جازا تاعايىندالدى.
ا. قك-نىڭ 28 بابىنىڭ 5-بولىگى، 247-بابىنىڭ 3-بولىگى، 218-بابىنىڭ 1-بولىگىمەن كىنالى دەپ تانىلىپ، مۇلكى تاركىلەنىپ، 1 (ءبىر) جىل مەرزىمگە مەملەكەتتىك جانە كوممەرسيالىق ەمەس ۇيىمداردا باسشىلىق لاۋازىمداردى اتقارۋ قۇقىعىنان ايىرا وتىرىپ، 3 (ءۇش) جىل مەرزىمگە باس بوستاندىعىن شەكتەۋ جازاسى تاعايىندالدى.
ۇكىم زاڭدى كۇشىنە ەنگەن جوق.
