Óskemende júrgizýshi kýáligin alyp beremin degen bólim basshysy men qolastyndaǵylar 35 mıllıon jymqyrǵany úshin sottaldy, - dep habarlaıdy Dalanews.kz.
İs Óskemen qalasynyń №2 sotynda qaraldy. Sotta N jáne Á-ge ge qatysty QK- 247-babynyń 3-bóligi (zańsyz syıaqy alý) jáne A.-ǵa qatysty QK 247 babynyń 3 bóligi, 218 babynyń 1 bóligimen (qylmystyq jolmen alynǵa aqshany zańdastyrý) qylmystyq is qaraldy.
Sotpen anyqtalǵanyN. esimdi qyzmetker «Azamattarǵa arnalǵan úkimet» Memlekettik korporasıasy» komersıalyq emes aksıonerlik qoǵamynyń halyqqa qyzmet kórsetý ortalyǵynyń Shyǵys Qazaqstan oblysy boıynsha fılalynyń Óskemen qalasyndaǵy mamandandyrylǵan bóliminiń basshysy bola turyp, sol bólimniń eki qyzmetkeriniń kómegimen, 2023 jyldyń aqpanynan 2023 jyldyń qazanyna deıingi aralyqta kólik quraldaryn basqarýǵa júrgizýshi kýáligin alý úshin emtıhandardy tapsyrý kezinde kómek kórsetkeni úshin azamattardan iri kólemde (34 960 500 teńge) zańsyz syıaqylar alǵan.
Sottalýshylar shyn júrekten ókinip, taǵylǵan aıypty tolyq moıyndady. N., Á jáne N memlekettik aıyptaýshymen kináni moıyndaý týraly kelisim túrinde prosesýaldyq kelisim jasasty.
Sottyń sheshimi:
Sot úkimimen N. QK-tiń 28 babynyń 3 bóligimen, 247 babynyń 3 bóligimen kináli dep tanylyp, 1 (bir) jyl merzimge memlekettik jáne komersıalyq emes uıymdarda basshylyq qyzmetterdi atqarý quqyǵynan aıyra otyryp, 1 725 000 teńgeni quraıtyn 500 AEK mólsherinde aıyppul salý túrindegi jaza taǵaıyndaldy.
Á. QK-niń 28-babynyń 5-bóligimen, 247-babynyń 3-bóligimen kináli dep tanylyp, 1 (bir) jyl merzimge memlekettik jáne komersıalyq emes uıymdarda basshylyq laýazymdardy atqarý quqyǵynan aıyra otyryp, 1 725 000 teńgeni quraıtyn 500 AEK mólsherinde aıyppul salý túrindegi jaza taǵaıyndaldy.
A. QK-niń 28 babynyń 5-bóligi, 247-babynyń 3-bóligi, 218-babynyń 1-bóligimen kináli dep tanylyp, múlki tárkilenip, 1 (bir) jyl merzimge memlekettik jáne komersıalyq emes uıymdarda basshylyq laýazymdardy atqarý quqyǵynan aıyra otyryp, 3 (úsh) jyl merzimge bas bostandyǵyn shekteý jazasy taǵaıyndaldy.
Úkim zańdy kúshine engen joq.
