جىل باسىنان بەرٸ قارجىلىق مونيتورينگ اگەنتتٸگٸ 34 بلوگەردٸڭ ونلاين-ويىنداردى جارنامالاۋعا قاتىسى بارىن انىقتادى, دەپ حابارلايدى Dalanews.kz.
ولاردىڭ ٸشٸندە: قايسار قامزا, شىڭعىسحان كٶپباەۆ, ايتماحانوۆ تەۋٸرجان, تۇرعانوۆ نايل, ديليارا امانقوسقىزى جەنە باسقالار بار.
ولاردىڭ 11-ٸ ەكٸمشٸلٸك جاۋاپكەرشٸلٸككە تارتىلدى, ال 23 كونتەنت جاساۋشىعا قاتىستى ماتەريالدار مەدەنيەت مينيسترلٸگٸنە شارا قابىلداۋ ٷشٸن جولداندى. كٶپشٸلٸگٸ زاڭدى بٸر رەتتٸك ەمەس, جٷيەلٸ تٷردە بۇزادى.
مەسەلەن, حيپ-حوپ ورىنداۋشى «Baller» (شىن اتى – شىڭعىسحان كٶپباەۆ) جىل باسىنان بەرٸ اتالعان باپ بويىنشا بەس رەت جاۋاپقا تارتىلدى.
600 مىڭنان استام جازىلۋشىسى بار مۋزىكانت-بلوگەر رينات شامشىراققا قاتىستى دا ونلاين-كازينو جارنامالاعانى ٷشٸن ەكٸمشٸلٸك ٸس قوزعالعان.
سونىمەن قاتار بلوگەر «Niko_nett» پەن ينفليۋەنسەر قايسار قامزا دا ەرەكشە نازاردا. سوڭعىسى ٶزٸنٸڭ تەلەگرام-ارناسىندا زاڭسىز ويىنداردى ٷنەمٸ ناسيحاتتاپ, جالعان جەڭٸمپازداردىڭ ۆيدەولارىن جارييالاپ كەلەدٸ.
سول سيياقتى, نايل تۇرعانوۆ ونلاين-كازينو جارناماسى ٷشٸن 8 ملن تەڭگەدەن استام قارجى العان.
ال نۇرعازى توقتاروۆ («Nakonay Qarapaiym») ەلەۋمەتتٸك جەلٸلەرٸندە ازاماتتاردى زاڭسىز ويىندارعا تارتۋ ماقساتىندا اگرەسسيۆتٸ ناۋقان جٷرگٸزٸپ, جارناما ٷشٸن 15,8 ملن تەڭگە الىپ, ونىڭ جارتىسىنا جۋىعىن سول پلاتفورمالاردىڭ ٶزٸندە ويناپ ۇتىلىپ قالعان.
ٶكٸنٸشكە قاراي, بۇل ٸستە قىزدار دا بەلسەندٸ.
مەسەلەن, مارييام قۇلجاباەۆا («@oomariko») ينتەرنەت-كازينودا تٸركەلۋگە شاقىرعان قاراپايىم ستوريستەرٸن نەبارى 350 مىڭ تەڭگەگە باعالاعان. ال ونىڭ قۇربانى بولعان وتباسىلار ميلليونداعان قارجىسىنان ايىرىلىپ جاتىر.
وعان قوسا, زۋحرا حاكيەۆا, ديانا حالمەتوۆا, ەسەم اۋباكيروۆا, ارينا بايكوۆا, كٷمٸساي ايىمبەتوۆا جەنە باسقا دا بلوگەرلەردٸڭ اتى بەلگٸلٸ.
وسىلايشا, ونلاين-كازينو جارناماسى ويىنعا تەۋەلدٸلٸككە باستايتىن نەگٸزگٸ ارنا ەكەنٸن بٸلە تۇرا, اتالعان تۇلعالار ٶز ٸستەرٸن جالعاستىرۋدا.
ولار ادامداردىڭ تاعدىرىنا نەمقۇرايلى قاراپ, وتباسىلاردىڭ كٷيرەۋٸنە سەبەپ بولۋدا.
ميلليونداعان تابىسقا كەنەلگەن بلوگەرلەر ايىپپۇلدارىن تٶلەپ, زاڭسىز ەرەكەتٸن قايتا جالعاستىرىپ جٷر.
وسىعان بايلانىستى اگەنتتٸك مۇنداي ەرەكەتتەردٸ قر قك-نٸڭ 28-بابىنىڭ 5-تارماعى اياسىندا – زاڭسىز ويىن بيزنەسٸنە كٶمەكتەسۋ رەتٸندە قاراستىرۋعا نيەتتٸ.
سونىمەن قاتار, قارجى پيراميدالارىن جارنامالاعانداعىداي, ونلاين-كازينو جارناماسى ٷشٸن دە قىلمىستىق جاۋاپكەرشٸلٸك ەنگٸزۋ باستاماسى كٶتەرٸلدٸ.
بلوگەرلەرگە ٷندەۋ: جارناما تٷرٸندەگٸ كونتەنت تاراتۋمەن اينالىساتىن ەربٸر تۇلعا زاڭدى قاتاڭ ساقتاۋى تيٸس.
