Jyl basynan beri Qarjylyq monitoring agenttigi 34 blogerdiń onlain-oiyndardy jarnamalaýǵa qatysy baryn anyqtady, dep habarlaidy Dalanews.kz.
Olardyń ishinde: Qaisar Qamza, Shyńǵyshan Kópbaev, Aitmahanov Táýirjan, Turǵanov Nail, Diliara Amanqosqyzy jáne basqalar bar.
Olardyń 11-i ákimshilik jaýapkershilikke tartyldy, al 23 kontent jasaýshyǵa qatysty materialdar Mádeniet ministrligine shara qabyldaý úshin joldandy. Kópshiligi zańdy bir rettik emes, júieli túrde buzady.
Máselen, hip-hop oryndaýshy «Baller» (shyn aty – Shyńǵyshan Kópbaev) jyl basynan beri atalǵan bap boiynsha bes ret jaýapqa tartyldy.
600 myńnan astam jazylýshysy bar mýzykant-bloger Rinat Shamshyraqqa qatysty da onlain-kazino jarnamalaǵany úshin ákimshilik is qozǵalǵan.
Sonymen qatar bloger «Niko_nett» pen infliýenser Qaisar Qamza da erekshe nazarda. Sońǵysy óziniń telegram-arnasynda zańsyz oiyndardy únemi nasihattap, jalǵan jeńimpazdardyń videolaryn jariialap keledi.
Sol siiaqty, Nail Turǵanov onlain-kazino jarnamasy úshin 8 mln teńgeden astam qarjy alǵan.
Al Nurǵazy Toqtarov («Nakonay Qarapaiym») áleýmettik jelilerinde azamattardy zańsyz oiyndarǵa tartý maqsatynda agressivti naýqan júrgizip, jarnama úshin 15,8 mln teńge alyp, onyń jartysyna jýyǵyn sol platformalardyń ózinde oinap utylyp qalǵan.
Ókinishke qarai, bul iste qyzdar da belsendi.
Máselen, Mariiam Quljabaeva («@oomariko») internet-kazinoda tirkelýge shaqyrǵan qarapaiym storisterin nebary 350 myń teńgege baǵalaǵan. Al onyń qurbany bolǵan otbasylar milliondaǵan qarjysynan aiyrylyp jatyr.
Oǵan qosa, Zýhra Hakieva, Diana Halmetova, Ásem Aýbakirova, Arina Baikova, Kúmisai Aiymbetova jáne basqa da blogerlerdiń aty belgili.
Osylaisha, onlain-kazino jarnamasy oiynǵa táýeldilikke bastaityn negizgi arna ekenin bile tura, atalǵan tulǵalar óz isterin jalǵastyrýda.
Olar adamdardyń taǵdyryna nemquraily qarap, otbasylardyń kúireýine sebep bolýda.
Milliondaǵan tabysqa kenelgen blogerler aiyppuldaryn tólep, zańsyz áreketin qaita jalǵastyryp júr.
Osyǵan bailanysty Agenttik mundai áreketterdi QR QK-niń 28-babynyń 5-tarmaǵy aiasynda – zańsyz oiyn biznesine kómektesý retinde qarastyrýǵa nietti.
Sonymen qatar, qarjy piramidalaryn jarnamalaǵandaǵydai, onlain-kazino jarnamasy úshin de qylmystyq jaýapkershilik engizý bastamasy kóterildi.
Blogerlerge úndeý: jarnama túrindegi kontent taratýmen ainalysatyn árbir tulǵa zańdy qatań saqtaýy tiis.
