ەندٸ ول ورتاشا قاۋٸپسٸز مەكەمەدە ٷش جارىم جىل جازاسىن ٶتەيدٸ. سونىمەن قاتار «سق-فارماتسييانىڭ» بۇرىنعى باسشىسى مەملەكەتتٸك قىزمەت پەن كۆازيمەملەكەتتٸك سەكتوردا جۇمىس ٸستەي المايدى.
سۋديا بەرٸك شەرٸپتٸڭ سوت پروتسەسٸ جٷرگٸزٸلگەن ۋاقىتتا بٸر جىل قاماۋدا بولعانىن ەسكەردٸ. بىلتىر سەۋٸر مەن مامىر ارالىعىندا قازاقستاندا ەكٸ مىڭنان استام مەديتسينالىق قىزمەتكەر كوروناۆيرۋس ينفەكتسيياسىن جۇقتىرعان.
– مەديتسينا قىزمەتكەرلەرٸنٸڭ جاپپاي اۋرۋعا شالدىعۋى قورعانىش كيٸمدەرٸنٸڭ جەتپەگەنٸنەن ورىن الدى, – دەيدٸ پروكۋرورلار. مەملەكەتتٸك ايىپتاۋشىلار مۇنىڭ بەرٸنە بەرٸك شەرٸپتٸڭ قاتىسى بار, ول تەندەر كەزٸندە ٶزٸ كوميسسيياعا جەتەكشٸلٸك ەتٸپ, تەك بەلگٸلٸ بٸر جەكەمەنشٸك سەرٸكتەستٸكتٸڭ قوماقتى اقشانى يەلەنۋٸنە ىقپال ەتكەنٸن ايتادى.
– نۇر-سۇلتان قالاسى سوتىنىڭ قىلمىستىق ٸستەر جٶنٸندەگٸ سوت القاسى بٸرٸنشٸ ساتىلى سوتتىڭ دەلەلدەرٸن نەگٸزسٸز العا تارتىپ, بەرٸك شەرٸپتٸ لاۋازىمدى ٶكٸلەتتٸ تەرٸس پايدالانۋمەن قارۋدى زاڭسىز ساقتاۋعا كٸنەلٸ دەپ تاپتى. سوت اۋىرلاتاتىن مەن-جايلار رەتٸندە قىلمىستىڭ تٶتەنشە جاعدايلار كەزٸندە ورىن العانىن ەسكەردٸ. وسىعان بايلانىستى شەرٸپ 3 جىل 6 ايعا باس بوستاندىعىنان ايىرىلۋعا سوتتالدى. سونداي-اق, ول مەملەكەتتٸك لاۋازىمدى اتقارۋ قۇقىعىنان ٶمٸر بويعا ايىرىلدى, – دەدٸ نۇر-سۇلتان قالاسى سوتىنىڭ باسپاسٶز حاتشىسى بوتاگٶز بايانوۆا.
