Endi ol ortasha qaýipsiz mekemede úsh jarym jyl jazasyn óteidi. Sonymen qatar «SQ-Farmatsiianyń» burynǵy basshysy memlekettik qyzmet pen kvazimemlekettik sektorda jumys istei almaidy.
Sýdia Berik Sháriptiń sot protsesi júrgizilgen ýaqytta bir jyl qamaýda bolǵanyn eskerdi. Byltyr sáýir men mamyr aralyǵynda Qazaqstanda eki myńnan astam meditsinalyq qyzmetker koronavirýs infektsiiasyn juqtyrǵan.
– Meditsina qyzmetkerleriniń jappai aýrýǵa shaldyǵýy qorǵanysh kiimderiniń jetpegeninen oryn aldy, – deidi prokýrorlar. Memlekettik aiyptaýshylar munyń bárine Berik Sháriptiń qatysy bar, ol tender kezinde ózi komissiiaǵa jetekshilik etip, tek belgili bir jekemenshik seriktestiktiń qomaqty aqshany ielenýine yqpal etkenin aitady.
– Nur-Sultan qalasy sotynyń qylmystyq ister jónindegi sot alqasy birinshi satyly sottyń dálelderin negizsiz alǵa tartyp, Berik Sháripti laýazymdy ókiletti teris paidalanýmen qarýdy zańsyz saqtaýǵa kináli dep tapty. Sot aýyrlatatyn mán-jailar retinde qylmystyń tótenshe jaǵdailar kezinde oryn alǵanyn eskerdi. Osyǵan bailanysty Shárip 3 jyl 6 aiǵa bas bostandyǵynan aiyrylýǵa sottaldy. Sondai-aq, ol memlekettik laýazymdy atqarý quqyǵynan ómir boiǵa aiyryldy, – dedi Nur-Sultan qalasy sotynyń baspasóz hatshysy Botagóz Baianova.
