وسى رەتتە شقو اۋىلدارىن ينتەرنەتكە قوسۋدى كوزدەيتىن باعدارلاماسى جايىندا ايتساق. اتى ايتىپ تۇرعانداي «250+» باعدارلاماسىنا ادام سانى 250-دەن اساتىن اۋىلداردى قامتيمتىن بولادى. شقو سيفرلاندىرۋ باسقارماسى وڭىردە جۇمىس ىستەيتىن ءۇشى ءىرى وپەراتورمەن كەلسىمگە كەلىپ، «250+» باعدارلاماسىن جۇزەگە اسىرۋدا.
اتالىمش باعدارلاما تولىقتاي جۇزەگە اسقان كەزدە وبلىس اۋماعىنداعى مىڭعا تارتا اۋىلدىڭ 600 مىڭنان تۇرعىنى ساپالى ينتەرنەتكە قول جەتكىزەدى دەپ كۇتىلۋدە. وسىلايشا اۋىل تۇرعىندارى قالا حالقى سەكىلدى مەملەكەتتىك سيفرلىق قىزمەتتەرگە قول جەتىمدىگى ارتىپ، كۇندەلىكتى ءومىردى ءجيى قولداناتىن قوسىمشالاردى ەركىن پايدالانا الاتىن بولادى.
ستۋدەنتتەر مەن مەكتەپ وقۋشىلارى پاندەميا جاعدايىندا ساپالى ينتەرنەتتىڭ كومەگىمەن قاشىقتان ەركىن ءبىلىم الۋىنا مۇمكىندىك الاتىن بولادى.
اۋىلدارعا ساپالى ينتەرنەت جەلسى جەتسە، ۇيالى بايلانىستىڭ دا ساپاسى ارتا تۇسەتىنىن ايتا كەتۋىمىز كەرەك. بۇدان باسقا «250+» باعدارلاماسىن جۇزەگە اسىرۋ بارىسىندا جاڭا جۇمىس ورىندارى قۇرىلىپ، حالىقتىڭ تۇرمىس جاعدايىنىڭ سەپتەسە تۇسەتىنى انىق.
