اقمولالىق تۇرعىن 24 جىل بۇرىن جاسالعان قىلمىسى ٷشٸن سوتتالدى, دەپ حابارلايدى Dalanews.kz.
اقمولا وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا 61 جاستاعى ي.-عا قاتىستى ەيەلدٸ زورلاۋ (كٷش قولدانۋ, ٶلتٸرەمٸن دەپ قورقىتۋ ارقىلى) جەنە اسا قاتىگەزدٸكپەن ادام ٶلتٸرگەنٸ ٷشٸن قىلمىستىق ٸس قارالدى (1997 جىلعى رەداكتسيياداعى قك-نٸڭ 120-بابى 2-بٶلٸگٸنٸڭ «ب»-تارماعى, 96-بابى 2-بٶلٸگٸنٸڭ «ك»-تارماعى).
2002 جىلى اقكٶل قالاسىندا تٷنگٸ ۋاقىتتا 37 جاستاعى ي. ماساڭ كٷيدە اۆتوكٶلٸكتەردٸ توقتاتىپ, ٷيٸنە جەتپەك بولعان 29 جاستاعى ا.-نى كەزدەستٸرگەن. ونى ۇرىپ-سوعىپ, ٶلتٸرەمٸن دەپ قورقىتىپ, جەرگٸلٸكتٸ ستاديون اۋماعىنا الىپ بارعان.
جەبٸرلەنۋشٸنٸڭ دەنەسٸنە سوققى جاساپ, تەمەكٸمەن كٷيٸك سالۋ ارقىلى ي. ونى زورلاعان, كەيٸن جاساعان قىلمىسىن جاسىرۋ جەنە جازادان جالتارۋ ماقساتىندا جەبٸرلەنۋشٸنٸ ٶلتٸرگەن.
ادام ٶلتٸرۋدٸ ول اسا قاتىگەزدٸكپەن جاساعان, جەبٸرلەنۋشٸنٸڭ اۋزىنا شىرشا بٷرشٸكتەرٸ مەن توپىراق تىعىپ, كەيٸن مەيٸتتٸ دالاداعى دەرەتحاناعا تاستاپ, وقيعا ورنىنان قاشىپ كەتكەن. ساراپتاما قورىتىندىسىنا سەيكەس, ا.-نىڭ ٶلٸمٸ تىنىس الۋ جولدارىنىڭ بٸتەلۋٸ سالدارىنان بولعان اسفيكسييادان تۋىنداعان.
ي.-دٸڭ كٸنەسٸ كۋەلاردىڭ ايعاقتارىمەن, فوتوسۋرەت بويىنشا تانۋمەن, وقيعا ورنىن قاراۋمەن, ساراپتامالار قورىتىندىلارىمەن جەنە ٸستٸڭ باسقا دا ماتەريالدارىمەن دەلەلدەندٸ.
جازا تاعايىنداۋدا سوت ي.-دٸڭ بۇرىن بٸرنەشە رەت سوتتالعانىن, قىلمىستىق جاۋاپكەرشٸلٸككە تارتىلعانىن جەنە اسا اۋىر قىلمىس جاساعانىن ەسكەردٸ.
سوت ٷكٸمٸمەن ي.-عا 22 جىلعا باس بوستاندىعىنان ايىرۋ تاعايىندالدى. سونداي-اق سوتتالعاننان جەبٸرلەنۋشٸ تاراپتىڭ پايداسىنا 10 ملن.تەڭگە مورالدىق زييان ٶتەماقىسى ٶندٸرٸلدٸ.
سونىمەن قاتار, ي.-عا جازاسىن ٶتەۋ ورنىندا «الكوگولدٸ تۇتىنۋمەن بايلانىستى پسيحيكالىق جەنە مٸنەز-قۇلىقتىق بۇزىلۋلاردان» مەجبٷرلٸ ەم تاعايىندالدى.
سوت اكتٸسٸ زاڭدى كٷشٸنە ەنگەن جوق.
