سىبايلاس جەمقورلىققا قارسى قىزمەت بيزنەستى قورعاۋ بويىنشا جۇمىستى ءۇش باعىتتا جۇرگىزەدى، بۇل بيزنەستىڭ ادالدىعىنا جاردەمدەسۋ، كاسىپكەرلىك قىزمەتكە زاڭسىز ارالاسۋدان قورعاۋ تەتىكتەرىن ەنگىزۋ، ءوڭىردىڭ ەرەكشەلىكتەرىن ەسكەرە وتىرىپ، كاسىپكەرلەردىڭ قاجەتتىلىكتەرىنە جەدەل دەن قويۋ جونىندەگى تۇجىرىمدامالىق شارالار.

بۇگىن بۇل تۋرالى الماتى قالاسىنداعى بيزنەستى قورعاۋ ماسەلەلەرى جونىندەگى جۇمىس كەڭەسى بارىسىندا ايتىلدى.

ءوز سوزىندە سىبايلاس جەمقورلىققا قارسى قىزمەت ءتوراعاسىنىڭ ءبىرىنشى ورىنباسارى دميتريي مالاحوۆ جىل باسىندا باستالعان «بيزنەسكە جول» جوباسى وڭ ناتيجە بەرەتىنىن اتاپ ءوتتى.

«جوبانىڭ ماقساتى - كاسىپكەرلەردىڭ الدىندا تۇرعان اكىمشىلىك كەدەرگىلەردى انىقتاۋ جانە جۇيەلى تۇردە جويۋ ارقىلى بيزنەستىڭ مەملەكەتپەن قارىم-قاتىناسىن بارىنشا وڭايلاتۋ»، - دەدى دميتريي مالاحوۆ.

بۇگىنگى تاڭدا سىبايلاس جەمقورلىققا قارسى قىزمەت اتامەكەن ۇلتتىق پالاتاسىمەن بىرلەسىپ 2370 كاسىپكەردىڭ پروبلەمالىق ماسەلەلەرىن شەشتى.

ارتىق بيۋروكراتيانى بولدىرماۋ، سونداي-اق كەلىپ تۇسەتىن سيگنالدارعا جىلدام دەن قويۋدى قامتاماسىز ەتۋ ماقساتىندا ءوزارا ءىس-قيمىلدىڭ بىرلەسكەن الگوريتمى ازىرلەندى، ول ونلاين رەجيمىندە تۇسۋشىلەردىڭ ءاربىر ءوتىنىشىن انتيكورعا دا، ۇلتتىق پالاتاعا دا پىسىقتاۋعا مۇمكىندىك بەرەدى.



ۆەدومستۆودا اتاپ وتكەندەي، وتكەن كەزەڭدە كاسىپكەرلەردىڭ قۇقىقتارىنا اسەر ەتكەن سىبايلاس جەمقورلىق قىلمىستارىن جاساعان 115 لاۋازىمدى تۇلعا اشكەرەلەندى.