Búgin bul týraly Almaty qalasyndaǵy biznesti qorǵaý máseleleri jónindegi jumys keńesi barysynda aityldy.
Óz sózinde Sybailas jemqorlyqqa qarsy qyzmet Tóraǵasynyń birinshi orynbasary Dmitrii Malahov jyl basynda bastalǵan «Bizneske jol» jobasy oń nátije beretinin atap ótti.
«Jobanyń maqsaty - kásipkerlerdiń aldynda turǵan ákimshilik kedergilerdi anyqtaý jáne júieli túrde joiý arqyly biznestiń memleketpen qarym-qatynasyn barynsha ońailatý», - dedi Dmitrii Malahov.
Búgingi tańda Sybailas jemqorlyqqa qarsy qyzmet Atameken Ulttyq palatasymen birlesip 2370 kásipkerdiń problemalyq máselelerin sheshti.
Artyq biýrokratiiany boldyrmaý, sondai-aq kelip túsetin signaldarǵa jyldam den qoiýdy qamtamasyz etý maqsatynda ózara is-qimyldyń birlesken algoritmi ázirlendi, ol onlain rejiminde túsýshilerdiń árbir ótinishin Antikorǵa da, Ulttyq palataǵa da pysyqtaýǵa múmkindik beredi.
Vedomstvoda atap ótkendei, ótken kezeńde kásipkerlerdiń quqyqtaryna áser etken sybailas jemqorlyq qylmystaryn jasaǵan 115 laýazymdy tulǵa áshkerelendi.
