23 ماۋسىم – قازاقستاندا مەملەكەتتٸك قىزمەتشٸلەر كٷنٸ. بۇل كٷن مەملەكەتتٸك باسقارۋ جٷيەسٸندە ەڭبەك ەتٸپ جٷرگەن مىڭداعان ماماننىڭ كەسٸبيلٸگٸ مەن قوعام الدىنداعى جاۋاپكەرشٸلٸگٸن ايشىقتايتىن مەرەكە رەتٸندە اتالىپ ٶتەدٸ, دەپ حابارلايدى dalanews.kz.
مەملەكەتتٸك قىزمەت – مەملەكەتتٸڭ تۇراقتى دامۋى مەن ازاماتتاردىڭ ەل-اۋقاتىن ارتتىرۋعا باعىتتالعان ماڭىزدى ينستيتۋتتاردىڭ بٸرٸ. مەملەكەتتٸك قىزمەتشٸلەر كٷن سايىن حالىقتىڭ ەلەۋمەتتٸك مەسەلەلەرٸن شەشۋگە, مەملەكەتتٸك باعدارلامالاردى جٷزەگە اسىرۋعا, قوعامدىق تۇراقتىلىقتى قامتاماسىز ەتۋگە جەنە ازاماتتارعا ساپالى قىزمەت كٶرسەتۋگە ٷلەس قوسىپ كەلەدٸ.
قازاقستاندا مەملەكەتتٸك قىزمەتشٸلەر كٷنٸ 2013 جىلعى قازاقستان رەسپۋبليكاسى پرەزيدەنتٸنٸڭ جارلىعىمەن بەكٸتٸلدٸ. ال 2014 جىلدان باستاپ رەسمي تٷردە اتالىپ ٶتۋدە. بۇل مەرەكەنٸڭ بەلگٸلەنۋٸ بٸرٸككەن ۇلتتار ۇيىمىنىڭ باستاماسىمەن ٷندەس. ٶيتكەنٸ 2002 جىلى بۇۇ باس اسسامبلەياسى 23 ماۋسىمدى مەملەكەتتٸك قىزمەت كٷنٸ دەپ جارييالاپ, ۇيىمعا مٷشە ەلدەردٸ اتالعان كٷندٸ ۇلتتىق دەڭگەيدە اتاپ ٶتۋگە شاقىرعان بولاتىن.
بٷگٸندە مەملەكەتتٸك قىزمەت سالاسى جاڭا دامۋ كەزەڭٸنە قادام باستى. قازٸرگٸ زامان مەملەكەتتٸك اپپاراتتان تەك كەسٸبيلٸكتٸ عانا ەمەس, سونىمەن قاتار اشىقتىقتى, جەدەلدٸكتٸ جەنە ازاماتتاردىڭ سۇرانىسىنا دەر كەزٸندە جاۋاپ بەرۋدٸ تالاپ ەتەدٸ. وسىعان بايلانىستى ەلٸمٸزدە مەملەكەتتٸك قىزمەت جٷيەسٸن جەتٸلدٸرۋگە باعىتتالعان اۋقىمدى رەفورمالار جٷزەگە اسىرىلىپ كەلەدٸ.
قازاقستاندا مەملەكەتتٸك قىزمەتتٸڭ نەگٸزگٸ قاعيداتتارى مەن جۇمىس تەرتٸبٸ «مەملەكەتتٸك قىزمەت تۋرالى» زاڭمەن رەتتەلەدٸ. قۇجات مەملەكەتتٸك قىزمەتكە قابىلداۋ, قىزمەتتٸك ٶسۋ, مەملەكەتتٸك قىزمەتشٸلەردٸڭ قۇقىقتارى مەن مٸندەتتەرٸ سەكٸلدٸ ماڭىزدى مەسەلەلەردٸ قامتيدى.
2024 جىلى مەملەكەتتٸك قىزمەتتٸ دامىتۋدىڭ 2024–2029 جىلدارعا ارنالعان جاڭا تۇجىرىمداماسى بەكٸتٸلدٸ. قۇجاتتىڭ باستى ماقساتى – ادام مٷددەسٸن بٸرٸنشٸ ورىنعا قوياتىن مەملەكەتتٸك قىزمەتتٸڭ سەرۆيستٸك مودەلٸن قالىپتاستىرۋ.
تۇجىرىمداما اياسىندا مەملەكەتتٸك اپپاراتتى كەسٸبيلەندٸرۋ, زاماناۋي HR-تەحنولوگييالاردى ەنگٸزۋ جەنە تسيفرلىق شەشٸمدەردٸ كەڭٸنەن پايدالانۋ كٶزدەلگەن. بۇل باستامالار مەملەكەت باسشىسى ۇسىنعان «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋعا باعىتتالعان.
سونداي-اق قازاقستان مەملەكەتتٸك قىزمەتتٸڭ گيبريدتٸ مودەلٸنە كٶشۋدە. بۇل مودەل مانساپتىق جەنە پوزيتسييالىق جٷيەلەردٸڭ تيٸمدٸ تۇستارىن بٸرٸكتٸرٸپ, مەملەكەتتٸك قىزمەتكە ەرتٷرلٸ سالادا تەجٸريبەسٸ بار مامانداردى تارتۋعا مٷمكٸندٸك بەرەدٸ. سونىڭ نەتيجەسٸندە مەملەكەتتٸك اپپاراتقا بيزنەس, مەديتسينا, بٸلٸم بەرۋ, اۋىل شارۋاشىلىعى جەنە باسقا دا سالالاردان بٸلٸكتٸ كادرلار كەلٸپ, باسقارۋ ساپاسىنىڭ ارتۋىنا ىقپال ەتپەك.
مەملەكەتتٸك قىزمەتتٸ دامىتۋدا ٷزدٸكسٸز بٸلٸم الۋ مەن كەسٸبي جەتٸلدٸرۋگە ەرەكشە كٶڭٸل بٶلٸنۋدە. قىزمەتكەرلەردٸڭ وقۋ باعدارلامالارى مەن تاعىلىمدامالارعا قاتىسۋى قولداۋ تاۋىپ, بٸلٸكتٸلٸكتٸ ارتتىرۋدىڭ تۇراقتى تەتٸكتەرٸ قالىپتاستىرىلماق. بولاشاقتا قىزمەتكەرلەردٸڭ ەڭبەكاقىسى ولاردىڭ كەسٸبي جەتٸستٸكتەرٸمەن جەنە ٶزٸن-ٶزٸ دامىتۋعا دەگەن ۇمتىلىسىمەن تىعىز بايلانىستى بولادى.
ەلەۋمەتتٸك كەپٸلدٸكتەردٸ كٷشەيتۋ دە رەفورمالاردىڭ ماڭىزدى بٶلٸگٸ سانالادى. زاڭ جوباسىندا مەملەكەتتٸك قىزمەتشٸلەردٸڭ ەڭبەك قۇقىقتارىن قورعاۋ مەسەلەلەرٸ قامتىلعان. اتاپ ايتقاندا, دەمالىس جەنە مەرەكە كٷندەرٸ اتقارىلعان جۇمىس ٷشٸن مٸندەتتٸ تٷردە ٶتەماقى تٶلەۋ, ەڭبەك ٶتٸلٸنە قاراي قوسىمشا دەمالىس بەرۋ جەنە باسقا ٶڭٸرگە قىزمەتتٸك اۋىسۋ كەزٸندە وتباسىلاردى قولداۋ تەتٸكتەرٸن ەنگٸزۋ جوسپارلانعان.
مەملەكەتتٸك قىزمەتتٸڭ تيٸمدٸلٸگٸ تەك زاڭدار مەن رەفورمالارعا عانا ەمەس, سونىمەن بٸرگە قىزمەتكەرلەردٸڭ كەسٸبي ەدەبٸ مەن جاۋاپكەرشٸلٸگٸنە دە بايلانىستى. وسى رەتتە ەدەپ جٶنٸندەگٸ ۋەكٸلدەر ينستيتۋتىنىڭ رٶلٸ ەرەكشە. ولار مەملەكەتتٸك قىزمەتشٸلەرگە كەڭەس بەرٸپ, قىزمەتتٸك ەدەپ نورمالارىن ساقتاۋعا كٶمەكتەسەدٸ, قۇقىق بۇزۋشىلىقتاردىڭ الدىن الۋعا ىقپال ەتەدٸ.
ستاتيستيكا
بٷگٸندە قازاقستاننىڭ مەملەكەتتٸك قىزمەت جٷيەسٸندە 84 مىڭنان استام مامان ەڭبەك ەتەدٸ. ولاردىڭ ورتاشا جاسى 40-تى قۇراسا, ەڭبەك ٶتٸلٸ شامامەن 12 جىلعا تەڭ. مەملەكەتتٸك قىزمەتشٸلەردٸڭ 55,8 پايىزىن ەيەلدەر قۇرايدى. مەملەكەتتٸك اپپاراتتا 900-دەن استام ەرەكشە قاجەتتٸلٸگٸ بار ازامات ەڭبەك ەتەدٸ. بۇل كٶرسەتكٸشتەر مەملەكەتتٸك قىزمەتتٸڭ قوعامداعى ماڭىزدى رٶلٸن جەنە ونىڭ كادرلىق ەلەۋەتٸنٸڭ جوعارى ەكەنٸن كٶرسەتەدٸ.
ەلٸمٸزدە ٷش ايدا 74,8 ملن مەملەكەتتٸك قىزمەت كٶرسەتٸلگەن
بٷگٸندە مەملەكەتتٸك قىزمەت كٶرسەتۋ ساپاسىن ارتتىرۋ باعىتىندا دا اۋقىمدى جۇمىستار جٷرگٸزٸلۋدە. بيىلعى جىلدىڭ العاشقى ٷش ايىندا عانا قازاقستاندىقتارعا 74,8 ميلليوننان استام مەملەكەتتٸك قىزمەت كٶرسەتٸلگەن. ونىڭ ٸشٸندە 54,9 ميلليوننان استام قىزمەت ورتالىق مەملەكەتتٸك ورگاندار ارقىلى, 19,9 ميلليوننان استامى جەرگٸلٸكتٸ اتقارۋشى ورگاندار ارقىلى ۇسىنىلعان. ال «ازاماتتارعا ارنالعان ٷكٸمەت» مەملەكەتتٸك كورپوراتسيياسى ارقىلى 3,9 ميلليون مەملەكەتتٸك قىزمەت كٶرسەتٸلدٸ.
حالىق اراسىندا ەڭ كٶپ سۇرانىسقا يە قىزمەتتەردٸڭ قاتارىندا جەكە كۋەلٸكتەردٸ رەسٸمدەۋ, كٶلٸك قۇرالدارىن تٸركەۋ, جٷرگٸزۋشٸ كۋەلٸكتەرٸن بەرۋ, جىلجىمايتىن مٷلٸك قۇقىقتارىن تٸركەۋ جەنە باسقا دا ەلەۋمەتتٸك ماڭىزى جوعارى قىزمەتتەر بار.
قازٸرگٸ تاڭدا مەملەكەتتٸك قىزمەتتٸڭ باستى ماقساتى – حالىققا قولايلى جاعداي جاساۋ, ازاماتتاردىڭ ٶتٸنٸشتەرٸنە جەدەل جاۋاپ بەرۋ جەنە مەملەكەتتٸك قىزمەتتەردٸ ساپالى ۇسىنۋ. بۇل باعىتتا قوعامدىق باقىلاۋ دا كٷشەيٸپ كەلەدٸ. مەملەكەتتٸك قىزمەت كٶرسەتۋ ساپاسىن باعالاۋ ماقساتىندا حالىققا قىزمەت كٶرسەتۋ ورتالىقتارىندا تۇراقتى مونيتورينگتەر جٷرگٸزٸلٸپ, ازاماتتاردىڭ پٸكٸرلەرٸ مەن ۇسىنىستارى نازارعا الىنۋدا.
مەملەكەتتٸك قىزمەت – جاي عانا جۇمىس ەمەس, قوعام الدىنداعى ٷلكەن جاۋاپكەرشٸلٸك. سوندىقتان مەملەكەتتٸك قىزمەتشٸلەردٸڭ كەسٸبيلٸگٸ, ادالدىعى جەنە حالىق مٷددەسٸنە قىزمەت ەتۋگە دەگەن ۇمتىلىسى ەلدٸڭ دامۋى مەن مەملەكەتتٸك باسقارۋ جٷيەسٸنٸڭ تيٸمدٸلٸگٸن ايقىندايتىن نەگٸزگٸ فاكتورلاردىڭ بٸرٸ بولىپ قالا بەرەدٸ.
