2029 جىلى قىسقى ازييا ويىندارى الماتىدا ٶتەدٸ. بۇل تۋرالى ازييانىڭ وليمپيادالىق كەڭەسٸ رەسمي تٷردە مەلٸمدەدٸ, دەپ حابارلايدى Dalanews.kz.
باستاپقىدا قىسقى ازييا ويىندارى ساۋد ارابيياسىندا ٶتۋٸ تيٸس ەدٸ. بۇل ەل 2022 جىلى جارىستى قابىلداۋ قۇقىعىنا يە بولعان. الايدا بيىل قاڭتار ايىندا ساۋد ارابيياسىنىڭ وليمپيادالىق كوميتەتٸ ازييانىڭ وليمپيادالىق كەڭەسٸمەن بٸرلەسٸپ, تۋرنيردٸڭ كەيٸنگە شەگەرٸلەتٸنٸن حابارلاعان. وسىدان كەيٸن ۇيىمداستىرۋشى ەلدٸ اۋىستىرۋ تۋرالى شەشٸم قابىلداندى.
Xinhua اگەنتتٸگٸنٸڭ مەلٸمەتٸنشە, 5 اقپاندا يتالييانىڭ ميلان قالاسىندا ازييانىڭ وليمپيادالىق كەڭەسٸ مەن قازاقستان تاراپى كەلٸسٸمشارتقا قول قويادى. بۇل قۇجات الماتىنىڭ 2029 جىلعى قىسقى ازييا ويىندارىنىڭ رەسمي قابىلداۋشى قالاسى مەرتەبەسٸن بەكٸتەدٸ.
ايتا كەتەيٸك, قازاقستان بۇعان دەيٸن دە قىسقى ازييا ويىندارىن قابىلداعان. 2011 جىلى بۇل جارىس الماتى مەن استانادا ٶتكەن.
