2029 jyly qysqy Azıa oıyndary Almatyda ótedi. Bul týraly Azıanyń Olımpıadalyq keńesi resmı túrde málimdedi, dep habarlaıdy Dalanews.kz.
Bastapqyda qysqy Azıa oıyndary Saýd Arabıasynda ótýi tıis edi. Bul el 2022 jyly jarysty qabyldaý quqyǵyna ıe bolǵan. Alaıda bıyl qańtar aıynda Saýd Arabıasynyń Olımpıadalyq komıteti Azıanyń Olımpıadalyq keńesimen birlesip, týrnırdiń keıinge shegeriletinin habarlaǵan. Osydan keıin uıymdastyrýshy eldi aýystyrý týraly sheshim qabyldandy.
Xinhua agenttiginiń málimetinshe, 5 aqpanda Italıanyń Mılan qalasynda Azıanyń Olımpıadalyq keńesi men Qazaqstan tarapy kelisimshartqa qol qoıady. Bul qujat Almatynyń 2029 jylǵy qysqy Azıa oıyndarynyń resmı qabyldaýshy qalasy mártebesin bekitedi.
Aıta keteıik, Qazaqstan buǵan deıin de qysqy Azıa oıyndaryn qabyldaǵan. 2011 jyly bul jarys Almaty men Astanada ótken.
