قازاقستاندا الداعى جىلى تۇرعىن ٷي باعاسى تاعى دا ٶسۋٸ مٷمكٸن. بۇل تۋرالى قارجى ساراپشىسى ايبار ولجاي Dalanews.kz اگەنتتٸگٸنە بەرگەن پٸكٸرٸندە ايتتى. ونىڭ سٶزٸنشە, قۇرىلىس كومپانييالارىنا ەنگٸزٸلەتٸن جاڭا سالىق تالاپتارى مەن ينفلياتسييا دەڭگەيٸ باسپانا قۇنىنىڭ قىمباتتاۋىنا تٸكەلەي ەسەر ەتەدٸ.
ساراپشىنىڭ ايتۋىنشا, كەلەسٸ جىلدان باستاپ ساتىلاتىن پەتەرلەرگە قۇرىلىس كومپانييالارى قوسىمشا قۇن سالىعىن (ققس) ەنگٸزەدٸ. بۇل ٶز كەزەگٸندە باسپانا باعاسىنىڭ شارىقتاۋىنا ەكەلۋٸ مٷمكٸن.
"ەرينە, نارىقتا بەلگٸلٸ بٸر تٷزەتۋلەر بولادى. ٶيتكەنٸ جىلدىڭ اياقتالۋىنا 2,5 ايدان از ۋاقىت قالدى. ال 2026 جىلدىڭ باسىنان باستاپ ساتىلاتىن پەتەرلەرگە قوسىمشا قۇن سالىعى (ققس) ەنگٸزٸلەدٸ. بۇل باعانىڭ كەم دەگەندە 16 پايىزعا ٶسۋٸنە سەبەپ بولادى", — دەيدٸ ول.
سونىمەن قاتار ايبار ولجاي بيىل ينفلياتسييا دەڭگەيٸ شامامەن 11 پايىز ەكەنٸن اتاپ ٶتتٸ.
"ەگەر وسى ينفلياتسييانى جەنە قوسىمشا قۇن سالىعىن قوسساق, كەلەسٸ جىلى, ناقتىراق ايتقاندا 2026 جىلدىڭ بٸرٸنشٸ جەنە ەكٸنشٸ توقسانىندا باسپانا باعاسى ايتارلىقتاي قىمباتتايدى", — دەيدٸ ول.
ماماننىڭ بولجامىنشا, زاڭنامالىق ٶزگەرٸستەر كٷشٸنە ەنبەي تۇرعان ۋاقىتتا تۇرعىن ٷي نارىعىندا الىپ-ساتۋ مەمٸلەلەرٸ كٶبەيۋٸ مٷمكٸن. سەبەبٸ ازاماتتار ەسكٸ تالاپتارمەن كەلٸسٸمشارت جاساپ ٷلگەرۋگە تىرىسادى.
“وسى جىلدىڭ سوڭعى توقسانىندا نارىقتا بەلسەندٸلٸكتٸڭ ارتۋى ىقتيمال. جالپى, 2025 جىلدىڭ سوڭىندا نارىقتا بەلسەندٸلٸكتٸڭ ارتقانى بايقالسا, 2026 جىلدىڭ باسىندا تۇرعىن ٷي قىمباتتاۋى مٷمكٸن”, – دەپ تٷيٸندەدٸ ساراپشى.
ەسكە سالايىق, بۇعان دەيٸن ۇلتتىق ەكونوميكا بٸرٸنشٸ ۆيتسە-مينيسترٸ ازامات ەمرين دە قازاقستاندا قۇرىلىس كومپانييالارىنا قوسىلعان قۇن سالىعىنىڭ (ققس) 16%-دىق مٶلشەرلەمەسٸن ەنگٸزۋ باسپانا باعاسىنىڭ ٶسۋٸنە ەكەلۋٸ مٷمكٸن ەكەنٸن ايتقان ەدٸ.
“نەلٸكتەن ققس سالۋ كەرەك ەكەنٸن تٷسٸندٸرەيٸن. 2023 جىلى ەلدٸڭ جٸٶ 135 ترلن تەڭگە بولدى. ونىڭ 17,5%-ى – كٶلەڭكەلٸ ەكونوميكا. بۇل رەسمي ستاتيستيكا, وعان سٷيەنۋٸمٸز كەرەك. ياعني, 135 ترلن تەڭگەنٸڭ 20 ترلن تەڭگەسٸ كٶلەڭكەلٸ ەكونوميكانىڭ ٷلەسٸ. ونىڭ قۇرىلىمىنا كەلسەك, العاشقى بەستٸككە كٶتەرمە جەنە بٶلشەك ساۋدا, اۋىل شارۋاشىلىعى, قۇرىلىس, دەنساۋلىق ساقتاۋ جەنە بٸلٸم بەرۋ سالالارى كٸرەدٸ”, – دەدٸ ەمرين مەجٸلٸس كۋلۋارىندا.
ۆيتسە-مينيستردٸڭ سٶزٸنشە, قازٸرگٸ تاڭدا قۇرىلىسشىلار قۇرىلىس ماتەريالدارىن ققس-سىز ساتىپ الادى. الايدا جاڭا ەرەجە بويىنشا, 16% ققس تٶلەگەن جاعدايدا, قۇرىلىس كومپانييالارى ٶز جەتكٸزۋشٸلەرٸن “كٶلەڭكەدەن شىعارىپ”, سالىق تٶلەۋگە ىنتالاندىرۋعا مەجبٷر بولادى.
“ەگەر قۇرىلىسشى ققس-تى ەسەپكە الا وتىرىپ, ساتىپ الۋشىلاردى زاڭداستىرماسا, بۇل اينالىم سالىعى بولادى. سول سەبەپتٸ ول جەتكٸزۋشٸلەرٸن كٶلەڭكەدەن شىعارادى”, – دەپ تٷسٸندٸردٸ ازامات ەمرين.
ۇلتتىق ەكونوميكا مينيسترلٸگٸنٸڭ بولجامى بويىنشا, جاڭا سالىقتىق رەفورما ينفلياتسييا دەڭگەيٸن شامامەن 3%-عا ارتتىرۋى مٷمكٸن.
“باعانىڭ ٶسۋٸ, ەرينە, بولادى, بٸز مۇنى تٷسٸنەمٸز. ەسٸرەسە, ازىق-تٷلٸك ەمەس تاۋارلاردىڭ باعاسى قىمباتتايدى”, – دەپ قورىتىندىلادى ۆيتسە-مينيستر.
ساراپشىلاردىڭ پٸكٸرٸنشە, ققس مٶلشەرلەمەسٸنٸڭ ٶزگەرۋٸ قۇرىلىس كومپانييالارى ٷشٸن قوسىمشا جٷكتەمە بولادى. بۇل جٷكتەمە, سايىپ كەلگەندە, پەتەر باعاسىنىڭ ٶسۋٸنە ەكەلۋٸ مٷمكٸن. دەگەنمەن, مەملەكەتتٸك ورگاندار سالىق رەفورماسىنىڭ نەگٸزگٸ ماقساتى ەكونوميكانى كٶلەڭكەدەن شىعارۋ جەنە سالىق تٷسٸمدەرٸن ارتتىرۋ ەكەنٸن العا تارتادى.
