يتالييادا ٶتكەن 2026 جىلعى قىسقى وليمپيادا ويىندارىندا قازاقستان قۇراماسى بٸر التىن مەدال جەڭٸپ الدى. دەگەنمەن بٸرقاتار سپورتشى جوعارى نەتيجە كٶرسەتٸپ, ٷزدٸك وندىققا ەندٸ, دەپ حابارلايدى Dalanews.kz ۇوك-قا سٸلتەپ.
ەل قورجىنىنا جالعىز جٷلدەنٸ مەنەرلەپ سىرعاناۋشى ميحايل شايدوروۆ سالىپ, وليمپيادا چەمپيونى اتاندى. قازاقستان قۇراماسىنىڭ بٸرنەشە ٶكٸلٸ ٶز جارىستارىندا العاشقى وندىققا كٸردٸ. ولاردىڭ كەيبٸر جەتٸستٸكتەرٸ تاريحي ماڭىزعا يە بولدى.
يليا ميزەرنىح تەۋەلسٸز قازاقستان تاريحىنداعى ەڭ ٷزدٸك نەتيجەنٸ تٸركەدٸ. شاڭعىمەن ٷلكەن تۇعىردان سەكٸرۋدە ول سەگٸزٸنشٸ ورىن الىپ, وسى سپورت تٷرٸندەگٸ ۇلتتىق رەكوردتى جاڭارتتى.
كونكيمەن جٷگٸرۋشٸ نادەجدا موروزوۆا 3000 مەتر قاشىقتا التىنشى بولىپ مەرەگە جەتتٸ. بۇل - 1998 جىلى ليۋدميلا پروكاشەۆا وليمپيادادا قولا مەدال العاننان بەرگٸ ەڭ جوعارى نەتيجە. سونىمەن قاتار, نادەجدا موروزوۆا 5000 مەتردە توعىزىنشى, كوماندالىق ٸز كەسۋ سايىسىندا سەگٸزٸنشٸ ورىن يەلەندٸ.
ونىڭ كوماندالاسى ەليزاۆەتا گولۋبەۆا دا ٷش رەت ٷزدٸك وندىققا ەندٸ. ول 1500 مەتردە جەتٸنشٸ, 3000 مەتردە ونىنشى ورىن الدى. گولۋبەۆا جەنە موروزوۆامەن بٸرگە كوماندالىق ٸز كەسۋ سايىسىندا ارينا يلياششەنكو دا سەگٸزٸنشٸ نەتيجە كٶرسەتتٸ.
كونكيمەن جٷگٸرۋشٸ ەۆگەنيي كوشكين 500 مەتر قاشىقتا توعىزىنشى ورىنعا تۇراقتادى.
شورت-ترەكشٸ دەنيس نيكيشا 500 مەتر قاشىقتا جەتٸنشٸ ورىن الىپ, جەكەلەي سايىستاعى ٶزٸنٸڭ ەڭ جوعارى نەتيجەسٸنە قول جەتكٸزدٸ.
فريستايل-اكروباتيكادان ارالاس كوماندالىق بەسەكەدە قازاقستان قۇراماسى جەتٸنشٸ بولدى. بۇل سىندا اسىلحان اسان, رومان يۆانوۆ جەنە ايانا جولداس ٶنەر كٶرسەتتٸ. ايتا كەتەيٸك, ەرلەر اراسىندا رومان يۆانوۆ 13-ورىن الىپ, ۇلتتىق قۇراما تاريحىنداعى ٷزدٸك نەتيجەنٸ جاڭارتتى.
موگۋلشى اناستاسييا گورودكو دا ٷزدٸك وندىققا ەندٸ. ول پاراللەلدٸ موگۋلدا شيرەك فينالعا دەيٸن جەتٸپ, سەگٸزٸنشٸ ورىن الدى. وسى ديستسيپلينادا پاۆەل كولماكوۆ توعىزىنشى ساتىعا جايعاستى.
مەنەرلەپ سىرعاناۋدان ەيەلدەر اراسىندا سوفيا سامودەلكينا قازاقستان تاريحىندا ەڭ جوعارى نەتيجەنٸ تٸركەدٸ. قىسقا جەنە ەركٸن باعدارلامانىڭ قورىتىندىسى بويىنشا ول ونىنشى ورىنعا تۇراقتادى.
ايتا كەتەيٸك, ميلان-كورتينا 2026 وليمپياداسىندا قازاقستان اتىنان 36 سپورتشى 10 سپورت تٷرٸنەن سىنعا تٷستٸ.
