2025 جىلدان باستاپ قۇنى 20 000 ايلىق ەسەپتىك كورسەتكىشتەن (اەك) اساتىن كولىكتەر مىندەتتى تۇردە مەملەكەتكە دەكلاراسيا ارقىلى كورسەتىلۋى ءتيىس. جاڭا تالاپ قازاقستاندا نەمەسە شەتەلدە ساتىپ الىنعان قىمبات كولىكتەرگە بىردەي قولدانىلادى، دەپ حابارلايدى Dalanews.kz.
Kolesa.kz تاراتقان اقپاراتقا سۇيەنسەك، اتالعان تالاپ 15 شىلدەدە مەملەكەت باسشىسى قول قويعان سالىق كودەكسىنە ەنگىزىلگەن وزگەرىستەر نەگىزىندە كۇشىنە ەنگەن.
“ەندى قازاقستان رەسپۋبليكاسىنىڭ ازاماتتارى مەن ەلىمىزدە تۇراقتى تۇراتىن جەكە تۇلعالار ەسەپتىك سالىق كەزەڭىندە قۇنى 20 000 اەك-تەن (بۇگىنگى باعاممەن شامامەن 78 640 000 تەڭگە نەمەسە 148،6 مىڭ اقش دوللارى) اساتىن مۇلىك ساتىپ السا، سونىڭ ىشىندە مەملەكەتتىك تىركەۋگە جاتاتىن مەحانيكالىق كولىك قۇرالدارى مەن تىركەمەلەردى، مىندەتتى تۇردە دەكلاراسيالاۋى ءتيىس”، — دەلىنگەن حابارلامادا.
بۇل نورما 2025 جىلى 1 قاڭتاردان باستاپ كۇشىنە ەنەدى جانە كەرى كۇشپەن قولدانىلادى. ياعني، 2025 جىلدىڭ باسىنان بەرى وسىنداي سوماعا كولىك العان ازاماتتار دەكلاراسيا تاپسىرۋعا مىندەتتى بولادى.
“دەكلاراسيانى تابىستار مەن مۇلىك تۋرالى جىل سايىن تۇراقتى تىركەلگەن نەمەسە تۇرىپ جاتقان مەكەنجايى بويىنشا تاپسىرۋ قاجەت. مىسالى، 2025 جىلى ساتىپ الىنعان كولىك ءۇشىن دەكلاراسيا 2026 جىلدىڭ 15 قىركۇيەگىنەن كەشىكتىرىلمەي تاپسىرىلۋى ءتيىس”، — دەپ تولىقتىردى دەرەككوز.
ايتا كەتەيىك، قازىرگى تاڭدا قازاقستاندا جاڭا سالىق كودەكسى ازىرلەنىپ جاتىر. ونىڭ جوباسىندا ەسكى كولىكتەرگە سالىقتىق جەڭىلدىكتەر قاراستىرىلسا، قۇنى 75 ميلليون تەڭگەدەن اساتىنقىمبات كولىكتەرگە قوسىمشا اكسيز ەنگىزۋ ۇسىنىلعان. الايدا بۇل قۇجات ءالى تالقىلانۋ ساتىسىندا.
