2025 جىلى الماتى يندۋستريالدى ايماعىندا (ايا) جالپى ينۆەستيسيا كولەمى 135،5 ملرد تەڭگە بولاتىن 11 جاڭا جوبانى جۇزەگە اسىرۋ جوسپارلانىپ وتىر. بۇل باستاما 2 662 جاڭا جۇمىس ورنىن اشۋعا مۇمكىندىك بەرەدى، دەپ حابارلايدى Dalanews.kz
جاڭا كاسىپورىنداردىڭ قاتارىندا 6 وندىرىستىك نىسان مەن 5 شاعىن ونەركاسىپتىك پارك (ءشوپ) بار:
- Astana Motors Manufacturing Kazakhstan – جۇڭگو برەندتەرىنىڭ جەڭىل اۆتوموبيلدەرىن شىعاراتىن زاۋىت؛
- Astana Motors Engineering – قويما كەشەنى؛
- ALTRA TYRES – اۆتوكولىك شينالارىن قايتا وڭدەۋ جانە رەزەڭكە تەحنيكالىق بۇيىمدار شىعارۋ زاۋىتى؛
- BLACK BIOTECHNOLOGY – بيوقوسپا مەن تىڭايتقىش شىعاراتىن زاۋىت؛
- Kapital Construction – ارماتۋرالى تورلار مەن ءپروفيلدى قۇبىرلار ءوندىرىسى؛
- باعدار لتد – شىنى ىدىستار شىعاراتىن زاۋىت؛
- «ALAESTATE» – شاعىن ونەركاسىپتىك پارك؛
- «Bayterek-2050» – شاعىن ونەركاسىپتىك پارك؛
- «T and M company» – شاعىن ونەركاسىپتىك پارك؛
- «Corporation M&A» – شاعىن ونەركاسىپتىك پارك؛
- «ب ا ق داۋلەت» – شاعىن ونەركاسىپتىك پارك.
بەس شاعىن ونەركاسىپتىك پاركتىڭ قۇرىلىسىنا 2،48 ملرد تەڭگە ءبولىندى. جالپى اۋدانى 23 510 شارشى مەتر بولاتىن بۇل نىساندار 640 جۇمىس ورنىن اشادى.
سونىمەن قاتار، الماتى قالاسىندا جالپى اۋدانى 140،2 مىڭ شارشى مەتر بولاتىن تاعى 24 شاعىن ونەركاسىپتىك پارك سالىنىپ جاتىر. ولاردىڭ ىسكە قوسىلۋى 2025-2026 جىلدارعا جوسپارلانعان. بۇل جوبالارعا 15،36 ملرد تەڭگە ينۆەستيسيا سالىنباق، ناتيجەسىندە 3 125 جاڭا جۇمىس ورنى اشىلىپ، 144 شاعىن جانە ورتا بيزنەس سۋبەكتىسى ورنالاستىرىلادى.
ءقازىر الماتى يندۋستريالدى ايماعىندا 107 كومپانيا جۇمىس ىستەيدى. ولاردىڭ جالپى ينۆەستيسيا كولەمى – 553،3 ملرد تەڭگە، ال اشىلعان جۇمىس ورىندار سانى – 14 583. 2024 جىلى ايا اۋماعىندا 13،4 ملرد تەڭگە ينۆەستيسيالانعان 11 جوبا ىسكە قوسىلىپ، 977 ادام جۇمىسپەن قامتىلدى. 2016-2024 جىلدار ارالىعىندا جالپى سوماسى 142،1 ملرد تەڭگە بولاتىن 41 جوبا جۇزەگە اسىرىلىپ، 4 430 جۇمىس ورنى اشىلدى. وسى كەزەڭدە ايا كاسىپورىندارى 2 524،4 ملرد تەڭگەنىڭ ءونىمىن شىعارىپ، 63،1 ملرد تەڭگە سالىق تولەدى.
الماتى يندۋستريالدى ايماعىنىڭ دامۋى جالعاسىپ، قالا ەكونوميكاسىنىڭ وسۋىنە جانە شاعىن جانە ورتا بيزنەستى قولداۋعا ۇلەس قوسىپ كەلەدى.
