قازاقستان رەسپۋبليكاسىنىڭ مادەنيەت جانە اقپارات مينيسترلىگى مەملەكەت باسشىسى تاعايىنداعان «تاۋەلسىزدىك ۇرپاقتارى» گرانتىن بەرۋ بويىنشا كونكۋرستىڭ باستالعانىن مالىمدەدى،- دەپ حابارلايدى Dalanews.kz
گرانت بەرۋدىڭ ماقساتى - بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاڭا يدەيالار مەن باستامالاردى مەملەكەتتىك قولداۋ.
2025 جىلى رەسپۋبليكالىق دەڭگەيدە 3 ملن. تەڭگەدەن 30 گرانت بەرىلەتىن بولادى.
گرانتقا 14 جاستان باستاپ 35 جاسقا دەيىنگى (34 جاستى قوسا العاندا)
قازاقستان رەسپۋبليكاسىنىڭ ازاماتى ۇمىتكەر بولا الادى.
گرانت مىناداي 6 باعىت بويىنشا جوبالاردى ىسكە اسىرۋ ءۇشىن كونكۋرستىق نەگىزدە بەرىلەدى:
«عىلىم» – جاڭا عىلىمي جوبالاردى جانە زەرتتەۋلەردى ىسكە اسىرۋعا ارنالعان؛
«مادەنيەت» – قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋعا ارنالعان؛
«اقپاراتتىق تەحنولوگيالار» – جاڭا IT شەشىمدەر مەن جوبالاردى، ونىڭ ىشىندە جاڭادان باستالعان ستارتاپ جوبالاردى ىسكە اسىرۋعا جانە ازىرلەۋگە ارنالعان؛
«بيزنەس» – جاڭا بيزنەس-يدەيالاردى ىسكە اسىرۋعا ارنالعان؛
«مەديا» – جاڭا مەديا جوبالاردى، ونىڭ ىشىندە جاستار ءۇشىن تانىمدىق، پايدالى، قىزىقتى كونتەنت قۇرۋ جونىندەگى جوبالاردى ىسكە اسىرۋعا ارنالعان؛
«ۆولونتەرلىك» – وزەكتى، الەۋمەتتىك پروبلەمالاردى شەشۋگە باعىتتالعان ۆولونتەرلىك جوبالاردى (باستامالاردى)ىسكە اسىرۋعا ارنالعان.
كونكۋرستىق وتىنىمدەردى قابىلداۋ 2025 جىلعى 16 ماۋسىمنان باستاپ 18 تامىز ارالىعىندا (بۇل رەتتە، ا.ج. 18 تامىز، ساع.: 24:00-گە دەيىن) t.urpaktary25@gmail.com ەلەكتروندى پوشتاسى ارقىلى جۇزەگە اسىرىلادى.
انىقتاما تەلەفوندارى: 8 (7172) 74-12-78، 8 706-618-07-23 (جۇمىس كۇندەرى، ساع. 9:00-دەن 18:30-عا دەيىن).
كونكۋرسقا قاتىسۋ ءۇشىن قاجەتتى قۇجاتتار ءتىزىمى (مەملەكەتتىك جانە (نەمەسە) ورىس تىلدەرىندە):
1) 1-قوسىمشاعا سايكەس نىسان بويىنشا كونكۋرستىق ءوتىنىم (PDF فورماتى)؛
2) 2-قوسىمشاعا سايكەس نىسان بويىنشا جوبانىڭ سيپاتتاماسى (word فورماتى)؛
3) جوبا بويىنشا بەينەماتەريال (60 سەكۋندتان اسپايتىن) نەمەسە پرەزەنتاسيا
(10 سلايدتان اسپايتىن)؛
4) 3-قوسىمشاعا سايكەس نىسان بويىنشا شىعىندار سمەتاسىنىڭ جوباسى
(word فورماتى)؛
5) زياتكەرلىك مەنشىك تۋرالى مالىمەتتەر (بار بولسا، PDF فورماتى)؛
6) جەكە كۋالىك نەمەسە تۋۋ تۋرالى كۋالىكتىڭ كوشىرمەسى (PDF فورماتى).
