Qazaqstan Respýblikasynyń Mádeniet jáne aqparat ministrligi Memleket basshysy taǵaiyndaǵan «Táýelsizdik urpaqtary» grantyn berý boiynsha konkýrstyń bastalǵanyn málimdedi,- dep habarlaidy Dalanews.kz
Grant berýdiń maqsaty - belsendi shyǵarmashyl jastar qaýymdastyǵyn qalyptastyrýǵa baǵyttalǵan jańa ideialar men bastamalardy memlekettik qoldaý.
2025 jyly respýblikalyq deńgeide 3 mln. teńgeden 30 grant beriletin bolady.
Grantqa 14 jastan bastap 35 jasqa deiingi (34 jasty qosa alǵanda)
Qazaqstan Respýblikasynyń azamaty úmitker bola alady.
Grant mynadai 6 baǵyt boiynsha jobalardy iske asyrý úshin konkýrstyq negizde beriledi:
«Ǵylym» – jańa ǵylymi jobalardy jáne zertteýlerdi iske asyrýǵa arnalǵan;
«Mádeniet» – Qazaqstannyń mádeni murasyn tanymal etýge, halyqtyq mádeni dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
«Aqparattyq tehnologiialar» – jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
«Biznes» – jańa biznes-ideialardy iske asyrýǵa arnalǵan;
«Media» – jańa media jobalardy, onyń ishinde jastar úshin tanymdyq, paidaly, qyzyqty kontent qurý jónindegi jobalardy iske asyrýǵa arnalǵan;
«Volonterlik» – ózekti, áleýmettik problemalardy sheshýge baǵyttalǵan volonterlik jobalardy (bastamalardy)iske asyrýǵa arnalǵan.
Konkýrstyq ótinimderdi qabyldaý 2025 jylǵy 16 maýsymnan bastap 18 tamyz aralyǵynda (bul rette, a.j. 18 tamyz, saǵ.: 24:00-ge deiin) t.urpaktary25@gmail.com elektrondy poshtasy arqyly júzege asyrylady.
Anyqtama telefondary: 8 (7172) 74-12-78, 8 706-618-07-23 (jumys kúnderi, saǵ. 9:00-den 18:30-ǵa deiin).
Konkýrsqa qatysý úshin qajetti qujattar tizimi (memlekettik jáne (nemese) orys tilderinde):
1) 1-qosymshaǵa sáikes nysan boiynsha konkýrstyq ótinim (PDF formaty);
2) 2-qosymshaǵa sáikes nysan boiynsha jobanyń sipattamasy (word formaty);
3) Joba boiynsha beinematerial (60 sekýndtan aspaityn) nemese prezentatsiia
(10 slaidtan aspaityn);
4) 3-qosymshaǵa sáikes nysan boiynsha shyǵyndar smetasynyń jobasy
(word formaty);
5) Ziiatkerlik menshik týraly málimetter (bar bolsa, PDF formaty);
6) Jeke kýálik nemese týý týraly kýáliktiń kóshirmesi (PDF formaty).
