جەتٸسۋ وبلىسىندا قازٸرگٸ كەزدە گازداندىرۋ دەڭگەيٸ 56,5% قۇرايدى, ياعني 63 ەلدٸ مەكەن گازداندىرىلدى. ال بيىلعى جىلدىڭ قورىتىندىسى بويىنشا تاعى 63 جوبانى ٸسكە اسىرۋدىڭ ارقاسىندا گازداندىرۋ دەڭگەيٸ 71,4% جەتەدٸ. وسىلايشا 500 مىڭنان استام تۇرعىنى بار 126 ەلدٸ مەكەن گازعا قول جەتكٸزەدٸ. بۇل تۋرالى وبلىس ەكٸمٸ بەيبٸت يساباەۆ «Jetisy» تەلەارناسى ستۋديياسىندا وبلىستىق باق ٶكٸلدەرٸنە بەرگەن كەڭەيتٸلگەن سۇحباتى بارىسىندا ايتتى, - دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەپ.
"وبلىس قايتا قۇرىلعان كەزدە 5 ەلدٸ مەكەنگە عانا گاز جەتكٸزٸلگەن, ياعني گازداندىرۋ كٶرسەتكٸشٸ 29 % بولعان. بيىل گازبەن قامتاماسىز ەتٸلگەن ەلدٸ مەكەندەر سانى 63-كە جەتٸپ, تۇرعىنداردى گازداندىرۋ كٶرسەتكٸش 56,5% قۇرادى. مەملەكەت باسشىسىنىڭ تاپسىرماسىن ورىنداۋ اياسىندا جىلدىڭ سوڭىنا دەيٸن تاعى 63 ەلدٸ مەكەن گازعا قوسىلادى, سونىڭ ٸشٸندە 45 جوبانىڭ جۇمىستارى قازٸر جٷرٸپ جاتىر, 18-ٸنٸڭ جوبالىق-سمەتالىق قۇجاتتارى دايىن. وسى اتالعان جوبالار ٸسكە اسىرىلعاننان كەيٸن بيىلعى جىلدىڭ قورىتىندىسى بويىنشا 500 مىڭنان استام تۇرعىنى بار 126 ەلدٸ مەكەنگە گاز جەتكٸزٸپ, حالىقتى گازداندىرۋ دەڭگەيٸ 71,4 % بولادى. وعان قوسا «تالدىقورعان – ٷشارال» باعىتىنداعى گاز قۇبىرىنىڭ قۇرىلىسىن بىلتىر باستادىق. ول بيىلعى جىلدىڭ سوڭىنا دەيٸن بٸتەدٸ. اقسۋ, سارقان, الاكٶل اۋداندارىنىڭ 66 ەلدٸ مەكەنٸن گازداندىرۋ بويىنشا جوبالىق-سمەتالىق قۇجاتتاما ەزٸرلەنٸپ جاتىر. ماگيسترال قۇرىلىسى بٸتكەننەن كەيٸن گاز تارتۋ جۇمىستارىنا كٸرٸسەدٸ. سونىڭ نەتيجەسٸندە 192 ەلدٸ مەكەن گازداندىرىلىپ, وبلىستىڭ 624 مىڭنان استام تۇرعىنى نەمەسە حالىقتىڭ 91 پايىزى گازعا قول جەتكٸزەدٸ", - دەدٸ يساباەۆ.
ال گاز قۇنىن قوستىرۋعا قاتىستى مەسەلەنٸڭ ٶڭٸر باسشىسى وسىدان بٸر جارىم جىل بۇرىن قولعا الىنعانىن ايتتى. گاز قوسۋ قۇنىنىڭ جوعارىلىعىنىڭ سەبەبٸن زەردەلەپ قاراعاندا, گاز قوسۋ نارىعىندا 1-2 كومپانييا مونوپوليست بولىپ وتىرعانى بايقالعان. دەگەنمەن قابىلدانعان شارالاردىڭ ارقاسىندا بەسەكەلەستٸك ورتانى دامىتۋ ارقىلى گاز قوستىرۋ قۇنىن قازاندىق پەن قاجەتتٸ جيىنتىقتاردى قوسپاعاندا 170-175 مىڭ تەڭگەگە دەيٸن تٶمەندەتۋگە مٷمكٸندٸك تۋدى (گاز قۇبىرىنىڭ ۇزىندىعى 25 مەترگە دەيٸن).
وعان قوسا, بٸر جارىم جىلدىڭ ٸشٸندە 1600 گاز قازاندىعىن ساتىپ الۋعا 500 ميلليون تەڭگە بٶلٸندٸ, تۇرعىندارعا قازاندىقتىڭ تٶلەمٸن 10 ايعا دەيٸن بٶلٸپ تٶلەۋگە جەڭٸلدٸكتٸ جاعداي جاسالىپ وتىر.
