2024 جىلدىڭ قورىتىندىسى بويىنشا ەكىنشى دەڭگەيلى بانكتەر ءوز اكسيونەرلەرى ءۇشىن شامامەن 2،6 ترلن تەڭگە تابىس اكەلدى، بۇل 2023 جىلمەن سالىستىرعاندا 19%-عا جانە 2022 جىلمەن سالىستىرعاندا 1،7 ەسە كوپ، دەپ جازادى Dalanews.kz.

2024 جىلى قازاقستاندىق ءتورت بانكتىڭ اكسيونەرلەرى قۇرامىندا  ءاۋىس-تۇيىس بولدى، دەپ مالىمەت كەلتىرەدى Forbes Kazakhstan.

• "بايتەرەك" حولدينگى 65 ملرد تەڭگەگە ءوزىنىڭ ەنشىلەسى - Bereke Bankءتىڭ ("سبەربانك كازاحستان") 100% اكسياسىن قاتارلىق Lesha Bank-كە (كاپيتالى 160 ملرد تەڭگە) ساتتى؛
•  ءباا-نىڭ A️Abu Dhabi Commercial Bank (ADCB) توبى "Al Hilal" يسلام بانكىنىڭ تىكەلەي قوجايىنى اتاندى. ول بۇرىن 2019 جىلدىڭ مامىرىندا ADCB قۇرامىنا ەنگەن Al Hilal Bank PJSC ەنشىلەسى ەدى.
• حالىقارالىق PPF كورپوراسياسى PPF توپ-مەنەدجەرلەرىنىڭ ءبىرى پاۆەل گوراكتان اكسيالار پاكەتىن ءىشىنارا ساتىپ الا وتىرىپ، ءوزىنىڭ قازاقستاندىق ەشىلەسى Home CREDIT Bank كاپيتالىنداعى ۇلەسىن 7،5%-دان 9،9%-عا دەيىن ۇلعايتتى؛
• بولات وتەمۇراتوۆ ForteBank-تەگى ۇلەسىن 80،11%-دان 89،01%-عا دەيىن ارتتىردى. ول ءوزىنىڭ ۇلى اليداردان 7،34% جانە Centras Group حولدينگىنىڭ يەسى ەلدار ءابدىرازاقوۆتان 1،5% اكسيا ساتىپ الدى.

2025 جىلدىڭ باسىنداعى مالىمەت بويىنشا، قازاقستاننىڭ بانك سەكتورى 21 ەدب-دان تۇرادى، ونىڭ 12-سىندە توعىز ەنشىلەس بانكتى قوسا العاندا، شەتەلدىكتەردىڭ قاتىسى بار.

بۇعان دەيىن حالىقتىڭ تولەي الماي جۇرگەن Kaspi Bank الدىنداعى نەسيەلەر كولەمى 291،6 ملرد تەڭگەگە جەتكەنىن جازعانبىز.